Matyu 20:21 - Di Jamiekan Nyuu Testiment

²¹ So im se tu ar se, “Wa yu waahn?” Shi ansa bak, “Mi waahn yu fi lou mi tuu bwai dem fi sidong iina yu kindom, wan a yu rait-an-said an di neks wan a yu lef-an-said.”

Matyu 20:21 ပူးပေါင်းရင်းမြစ်များ

Matyu 18:1

Roun da taim de Jiizas speshal falara dem kom tu im an aks im se, “A uu av di tap-a-tap pozishan iina Gad Kindom?”

Matyu 19:28

So Jiizas se tu dem se, “Ier mi no, an a chuu mi a taak: Wen Gad mek evriting nyuu agen, an di Man we Gad Pik sidong pan im tap-a-tap chuon, aal a unu, we fala mi, a-go sidong pan unu uona chuon tu. Unu a-go sidong pan twelv chuon a joj Izrel twelv chraib dem.

Matyu 20:22

So Jiizas se tu ar se, “Yu no nuo wa yu a aks mi se! Unu kyan jringk wa mi bout fi jringk? A sofa mi a-go sofa yu no.” Di bwai dem se, “Ye, wi kyan du dat!”

Matyu 20:32

Jiizas tap. Im kaal dem an se, “Wa unu waahn mi fi du fu'unu?”

Maak 10:51

Jiizas aks im se, “Wa yu waahn mi fi du fi yu?” Di blain man ansa im se, “Tiicha, mi waahn fi si.”

Maak 16:19

Afta di Laad Jiizas don taak tu dem, Gad tek im op iina evn an mek im sidong a im rait-an-said.

Maak 6:22

Eruodiyas daata daans fi Erad an im ges dem. Dem did wel api wid ou shi daans. So Erad se tu ar se, “Aks mi fi eniting we yu waahn an mi wi gi yu.”

Luuk 18:41

“Wa yu waahn mi fi du fi yu?” Im se, “Laad, mek mi si agen.”

Luuk 19:11

Wen dem a lisn tu dis, Jiizas tel dem wan neda tuori, kaaz im did nier Jeruusilem an di piipl dem did tingk se Gad kindom did a-go kom siem taim.

Luuk 22:24

Den di apasl dem staat kos bout wich wan a dem av di tap pozishan iina di gruup.

Jan 15:7

Ef unu tan pan mi an ef wa mi se tan iina unu, aks fi eniting unu waahn, an unu wi get it.

Aks 1:6

So wen dem kom tugeda, dem aks im se, “Laad, a nou yu a-go kaaz di Izrelait dem fi ruul agen?”

Ruoman 12:10

Lov unu wan aneda laik breda an sista an unu fi aalwiez put unu breda an sista bifuo unuself.

Ruoman 8:34

So den uu kyan joj di piipl we Gad pik an se dat dem gilti? Nobadi! Nobadi kyaahn du dat! Jiizas Krais we did ded an kom bak alaiv an uu sidong a Gad rait an, a taak tu Gad an a beg fi wi.

Koloshan 3:1

Sins Gad mek unu liv agen wen Krais Jiizas did kom bak alaiv, unu fi kip unu main an aat pan di sitn dem we de iina evn. A dem sitn de unu fi waahn. A de-so Krais Jiizas de. An im a sidong pan Gad rait an said.