Matyu 20:18 - Di Jamiekan Nyuu Testiment

¹⁸ “Luk ya no, wi a go op a Jeruusilem, an dem a-go tek di Man we Gad Pik an ton im uova tu di ed priis an di Laa tiicha dem. Dem a-go joj im an se im gilti an fi ded.

Matyu 20:18 ပူးပေါင်းရင်းမြစ်များ

Matyu 10:4

Di ada wan dem did a Saiman, we did a wok aad fi frii im piipl dem, an Juudas Iskyariyat, di wan we did sel out Jiizas.

Matyu 16:21

Fram da taim de, Jiizas staat mek im falara dem nuo se im afi go a Jeruusilem, an di elda, ed priis an Laa tiicha dem a-go mek im sofa uol iip a sitn. Dem a-go kil im, bot chrii die afta dat im a-go kom bak alaiv.

Matyu 26:2

“Unu nuo se tuu die fram nou di Paasuova alidie we piipl nyam bred widout yiis a kom, an dem a-go an uova di Man we Gad Pik so dem kyan kil im pan di kraas.”

Matyu 26:66

Wa di kuot se?” Dem se, “Im gilti. A ded im fi ded.”

Matyu 27:1

Orli orli iina di maanin, aal a di ed priis an Juu elda dem miit op an mek op dem main fi kil Jiizas.

Luuk 22:71

Den dem se, “Wa wi waahn muo witnis fa? Wi ier it kom outa fi'im uona mout.”

Aks 2:23

Azkaadn tu im plan, Gad gi uova da man de tu unu kaaz a so im did set it op, an im did don nuo se a so tingz did a-go go. An unu mek di piipl we a no Juu kil im pan di kraas.