Matyu 20:14 - Di Jamiekan Nyuu Testiment

¹⁴ So tek wa unu fi get an gwaan bout unu bizniz. A mi waahn gi di man we mi tek aan laas di siem moni we mi gi unu.

Matyu 20:14 ပူးပေါင်းရင်းမြစ်များ

Jan 17:2

Kaa yu gi yu Bwai Pikni powa uova evribadi, so dat im kyan mek di piipl dem we yu gi tu im liv fi eva.

Luuk 15:31

“Di faada se, ‘Pikni, yu aalwiez de ya wid mi, an evriting we mi av a fi yu uon.

Ruoman 3:19

Nou wi nuo se evriting we rait dong iina di Laa a fi di piipl we a fala di Laa. Gad gi dem di Laa so dat nobadi kyan se notn wen im kom fi ponish dem — nobadi kyan se dem neva nuo rait fram rang. So Gad a-go ponish evribadi we de iina di worl, weda dem a Juu ar dem a no Juu.

Ruoman 3:4

Notn kyaahn go so! Gad wi aalwiez du wa im se im a-go du, iivn wen piipl lai an se dem du wa dem did pramis fi du. It aal rait dong iina Gad wod se: “Evritaim Gad taak, piipl wi si se wa im a se a chuu sopm. No mata wa piipl se gens Gad, a Gad a-go win.”

Matyu 6:16

“Wen unu kip we fram fuud fi worship Gad, no bada lang dong unu fies laik di ipokrit dem. Dem ogli op demself so piipl wi si se a faas dem a faas. Mi tel unu dis, an a chuu mi a taak: dem naa notn muo a get.

Matyu 6:6

Bot wen unu a prie, galang iina wan ruum man, lak di duor an prie tu unu faada an no mek nobadi nuo. An unu Faada we si tingz we nobadi els no nuo bout, im wi gi unu wa unu fi get.

Matyu 6:2

“So, wen unu a gi we tingz an a du gud fi piipl, no bada mek wan bag a naiz bout it, so evribadi si we ya'a du, jos laik wa di ipokrit dem du wen dem iina di Juu dem choch an outa ruod. Dem du dem sitn de fi mek piipl big dem op. Mek mi tel unu dis, an a chuu mi a taak: dem naa notn muo a get.

Luuk 16:25

“Iebriyam ansa im an se, ‘Pikni, wen yu did alaiv, a bier gud sitn yu get, an a bier bad sitn riich Lazaros, nou im api an a liv aarait an yu a sofa.

Matyu 20:13

“Di faam uona ansa wan a dem, ‘Fren, afta mi no tiif unu notn. Wi neehn kom tugeda an se a di naamal die pie mi fi gi unu? Iihn?

Matyu 20:15

Mi kyaahn du we mi waahn du wid fi mi uona moni? Iihn? Ar a red yai unu red yai kaa mi kain?’