Matyu 2:6 - Di Jamiekan Nyuu Testiment

⁶ ‘An yu Betliyem we iina Judiya, wen yu luk pan aal di ada toun dem we a liid, yu no wot no les dan dem — yu op de mongks di tap-a-tap toun dem; kaaz a fram outa yu wan liida a-go kom we a-go protek an liid mi piipl dem we iina Izrel.’”

Matyu 2:6 ပူးပေါင်းရင်းမြစ်များ

Jan 7:42

Gad wod no se dat di Krais gweehn kom fram Dievid fambili an fram outa Betliyem, di toun we Dievid did liv?”

Revilieshan 11:15

Wen ienjel nomba sevn bluo fi im chompit, mi ier som loud vais iina evn a se, “Nou fi wi Gad, an Krais Jiizas av di rait fi ruul uova di uol worl an im a-go ruul fi eva an eva.”

Matyu 28:18

Den Jiizas kom kom se tu dem se, “Gad gi mi powa uova evriting we a liv iina evn an pan ort.

Revilieshan 2:27

‘Di wie ou im a-go ruul dem aad, im naa go tek no piti pan dem. Im a-go brok op aal uu go gens im iina piis piis siem laik ou sumadi tek piis a aiyan paip an brok op wan klie pat.’

Koloshan 1:18

Im a di ed fi di choch, we a fi im badi, so a im kanchuol it. Im a di wan we staat op evriting — a im gi nyuu laif. An im a di fos wan fi ded an kom bak alaiv. Da wie de, im a fos iina evriting an im ruul uova evriting.

Matyu 2:1

Jiizas did baan iina Betliyem, wan toun iina Judiya. Dem taim de, a Erad did a king iina Judiya. Nou, iina dem siem taim de, som waiz man fram di Iis said did kom a Jeruusilem an a aks,

Ifiijan 1:22

Gad put evriting anda Krais Jiizas fut an gi im powa uova evriting. An Gad mek im di liida fi di choch.

Jan 21:16

Jiizas aks im agen se, “Saiman, Jan bwai pikni, yu lov mi fi chuu?” Im ansa, “Yes, Laad, yu nuo se mi lov yu.” Jiizas se tu im se, “Tek kier a mi shiip dem.”

Iibruu 7:14

Kaaz evribadi mos nuo aredi se a Juuda wi Laad kom fram, an Muoziz neva se priis a-go kom fram da chraib de.

Revilieshan 7:17

Kaaz di Biebi Shiip we de a di migl a di chuon a-go tek kier a dem jos laik ou wan shepad tek kier a im shiip dem. Im a-go liid dem go a wan plies we fresh kliin waata eva a ron. An Gad gweehn jrai op aal a dem yai-waata.”