Matyu 2:22 - Di Jamiekan Nyuu Testiment

²² Bot wen im ier se a Erad pikni, Arkelos, tek uova an did a ruul Judiya, im kech im fried an neehn waahn go de-so. An kaa Gad did waan im aaf iina wan jriim, im lef go Gyalalii insted.

Matyu 2:22 ပူးပေါင်းရင်းမြစ်များ

Luuk 2:39

Afta Juozif an Mieri du wa Gad Laa se dem fi du, dem go baka dem yaad iina Nazaret we de a Gyalalii.

Jan 7:52

Bot dem se tu im se, “Yu no kom fram Gyalalii tu? Go chuu Gad wod an si fi yuself — no prafit neva eva kom outa Gyalalii yet!”

Matyu 3:13

Den Jiizas kom fram Gyalalii fi Jan baptaiz im iina Jaadn Riva.

Matyu 2:19

Afta Erad ded, luk ya no: wan a di Laad ienjel dem no jriim Juozif wen im de a Iijip.

Matyu 1:20

Jos wen Juozif did a tingk fi du dat, wach ya nou — wan a di Laad ienjel dem no jriim im. Di ienjel se, “Juozif, Dievid pikni, no fried fi tek Mieri an marid ar, kaa di pikni we iina ar beli, a di Uoli Spirit put im de.

Matyu 2:1

Jiizas did baan iina Betliyem, wan toun iina Judiya. Dem taim de, a Erad did a king iina Judiya. Nou, iina dem siem taim de, som waiz man fram di Iis said did kom a Jeruusilem an a aks,

Matyu 2:21

So Juozif get op, tek di pikni an im mada an go baka Izrel.