Matyu 19:29 - Di Jamiekan Nyuu Testiment

²⁹ An enibadi we lef dem yaad, dem breda, sista, faada, mada, pikni ar dem lan siek-a mi, dem wi get bak onjrid taim muo dan wa dem did av; plos dem a-go get fi liv fi eva tu.

Matyu 19:29 ပူးပေါင်းရင်းမြစ်များ

Matyu 10:22

An evribadi a-go iet unu kaaz unu fala mi. Bot enibadi we uol aan tait an tan op chrang til di sofarieshan don, Gad a-go siev dem piipl de.

Matyu 13:23

Bot di siid we jrap pan gud grong nou, da sumadi de ier Gad wod an andastan it. So, laik di siid we plaant pan gud grong im bier wan onjrid, siksti ar toti taim muo fruut dan wa di faama did plaant op.”

Matyu 13:8

Bot som a di siid dem jrap pan gud grong an kom bier fuud. Som bier wan onjrid taim muo dan wa di faama did plaant, som siksti an som toti.”

Matyu 16:25

Sumadi we waahn siev dem laif a-go luuz it, bot enibadi we luuz dem laif siek-a mi, dem a-go get fi fain dem laif.

Matyu 19:16

Wan man kom tu Jiizas kom aks im se, “A wa kain-a gud sitn mi fi du so mi kyan liv fi eva?”

Matyu 25:34

“Den di king a-go se tu di wan dem pan im rait-an-said se, ‘aal a unu we mi Faada bles, kom kom tek Gad Kindom, a fu'unu uon. Gad did fiks it op fu'unu fram im a mek di worl.

Matyu 25:46

“An dem piipl ya, dem a-go go wich paat dem get ponish fi eva, bot di wan dem we du we rait iina Gad yai, Gad a-go mek dem liv fi eva.”

Matyu 5:11

Gad bles unu wen piipl shiem unu, wen dem mek unu sofa an wen dem se aal kain-a wikid sitn bout unu we no chuu — bot se it jos kaaz unu fala mi.

Matyu 6:33

Muo dan notn els, wa unu fi du, a put unu main pan Gad kindom an du wa im waahn unu fi du; wen unu du dat, aal a dem sitn de, unu wi get dem.

Luuk 14:26

“Ef sumadi kom tu mi an no lov mi muo dan ou dem lov dem faada an mada, waif an pikni, breda an sista, iivn dem uona laif, dem kyaahn fala mi.

Luuk 5:11

So dem pul dem buot pan di liek-said, lef evriting an fala Jiizas.

Luuk 6:22

Gad bles aal a unu we piipl iet, we dem lef out, disrispek an kaal aal saat a niem an se unu wikid, kaaz unu fala di Man we Gad Pik.

Jan 15:19

Ef unu did komiin laka di piipl dem iina di worl, dem wuda lov unu laka ou dem lov dem uona piipl. Bot unu no komiin laka di piipl iina di worl, kaa mi pik unu out fram mongks dem. A it mek dem iet unu.

Jan 4:36

Di sumadi we gyada op di fuud a get fi'im pie, an di fuud we im de gyada a piipl we gweehn liv fi eva. So nou, im we plaant an im we gyada, di tuu a dem gweehn glad tugeda.

Aks 9:16

Mi a-go shuo im umoch im afi go sofa fi fi mi siek.”

1 Korintiyan 2:9

Bot it rait dong se: “No yai no si, no iez no ier, aal a di sitn dem we Gad pudong fi di piipl we lov im. Nobadi kudn iivn tingk dem op.”

2 Korintiyan 5:16

So den, wi no luk pan piipl an joj dem bies pan ou big ar sumaal dem bi, wi no joj dem laik ou di piipl we no biliiv joj dem. Bifuo wi did biliiv, a siem so wi did luk pan Jiizas Krais an joj im, bot nou wi no du dat no muor.

Filipiyan 3:8

Bot a no onggl dat, mi si se aal a dem sitn de no wot notn. Dem kyaahn kom kluos tu di powa we kom wen yu nuo mi Laad Jiizas Krais. Wen yu nuo Jiizas Krais, notn at aal kyaahn kom kluos tu dat. Evriting els komiin laik gyaabij tu mi nou. Mi gi op evriting fi get fi nuo Krais Jiizas an dat a di onggl ting we mata tu mi nou.

1 Piita 4:14

Ef piipl shiem unu, an se aal kain-a bad sitn tu unu kaa unu a fala Krais Jiizas — a bles unu bles. Kaaz a di powaful Spirit — Gad Spirit, kom tan wich paat unu de.

3 Jan 1:7

Wen dem lef fi go luk bout Krais Jiizas bizniz, dem neehn tek notn fram di worliyan dem.