Matyu 19:28 - Di Jamiekan Nyuu Testiment

²⁸ So Jiizas se tu dem se, “Ier mi no, an a chuu mi a taak: Wen Gad mek evriting nyuu agen, an di Man we Gad Pik sidong pan im tap-a-tap chuon, aal a unu, we fala mi, a-go sidong pan unu uona chuon tu. Unu a-go sidong pan twelv chuon a joj Izrel twelv chraib dem.

Matyu 19:28 ပူးပေါင်းရင်းမြစ်များ

Matyu 16:27

Kaaz di Man we Gad Pik a-go kom wid im ienjel dem an im a-go av powa we kom fram im Faada. Im a-go gi evribadi wa dem fi get bies pan di sitn dem we dem du.

Matyu 19:27

Den Piita se tu im se, “Si ya! Wi lef evriting we wi av fi fala yu! So wa wi a-go get?”

Matyu 20:21

So im se tu ar se, “Wa yu waahn?” Shi ansa bak, “Mi waahn yu fi lou mi tuu bwai dem fi sidong iina yu kindom, wan a yu rait-an-said an di neks wan a yu lef-an-said.”

Matyu 25:31

“Wen di Man we Gad Pik kom wid di powa we im av kaa im a king, an aal a di ienjel dem kom wid im, im a-go sidong pan im tap-a-tap chuon.

Matyu 6:33

Muo dan notn els, wa unu fi du, a put unu main pan Gad kindom an du wa im waahn unu fi du; wen unu du dat, aal a dem sitn de, unu wi get dem.

Matyu 8:20

Jiizas se tu im se, “Faks av uol, an di bod dem av nes, bot di Man we Gad Pik no av no we fi pudong im ed.”

Maak 10:37

Dem se, “Wen yu kom iina yu brait brait lait fi ruul, mek wan a wi sidong a yu rait-an-said an di ada wan pan yu lef-an-said.”

Aks 3:21

Jiizas afi tan a evn til di taim kom fi Gad mek evriting nyuu. A dat Gad mek im prafit dem tel piipl fram wie bak wen.

2 Timoti 2:12

Ef wi no gi op, Wi a-go ruul wid im tu. Ef wi gwaan laik wi no nuo im, im wi gwaan laik im no nuo wi.

2 Piita 3:13

Bot wi a luk faawod fi di nyuu evn dem an di nyuu ort we im pramis wi. A de-so evribadi a-go liv ou Gad waahn dem fi liv.

Revilieshan 11:16

Den di twenti-fuo elda dem fling dong demself wid dem fies a grong an worship Gad.

Revilieshan 12:1

Den mi si wan powaful sain iina evn: wan uman we luk laik shi av aan di son — rap roun ar laik ar kluoz, an di muun anda ar fut an wan kroun pan ar ed wid twelv staar.

Revilieshan 20:4

Den mi si som chuon an di wan dem we did get powa fi ruul did sidong pan dem. An mi si di spirit fi di piipl dem uufa ed did get chap aaf kaaz dem biliiv iina Jiizas an tan op chrang fi im an fi Gad wod. Dem neva worship di wail animal ar di sitn we dem mek fi luk laik im an dem neva tek im maak pan dem farid ar pan dem an niida. Dem kom bak alaiv an ruul wid Krais Jiizas fi wan touzn ier.

Revilieshan 21:5

Gad we did sidong pan di chuon se, “Mi a mek evriting nyuu!” Den im se, “Rait dis dong, kaaz wa mi a se a chuu an evribadi kyan biliiv it.”

Revilieshan 22:2

Di waata did a ron dong di migl a di siti mien ruod. Pan di tuu saida di riva, di chrii we gi laif did a gruo. Di chrii bier fruut twelv taim fi di ier — wan taim fi evri mont a di ier. Di piipl iina di worl yuuz di liif dem fi mek dem beta wen dem sik.

Revilieshan 22:5

No muo nait naa go kom iina di siti, so Gad piipl dem naa go niid no lamp lait ar no son lait, kaaz di Laad Gad brait brait lait a-go lait op di siti. An Gad piipl a-go ruul fi eva an eva.

Revilieshan 3:21

Enibadi we biit di devl an no gi iin tu di sitn dem we im waahn dem fi du, mi a-go gi im di rait fi sidong saida mi, pan mi chuon, siem laik ou mi did biit di devl an no gi iin tu di sitn dem we im did waahn mi fi du, an sidong saida mi Faada pan fi'im chuon.

Revilieshan 4:4

Roun di fos chuon, mi si twenti-fuo ada chuon wid twenti-fuo elda sidong pan dem. Di twenti-fuo elda dem did av aan wait kluoz, an evri wan a dem av aan wan guol kroun pan dem ed.

Revilieshan 7:4

Den mi ier umoch piipl a-go get di maak. A wan onjrid an faati-fuo touzn piipl fram di twelv chraib dem we mek op Izrel.