Matyu 19:21 - Di Jamiekan Nyuu Testiment

²¹ So Jiizas se, “Ef yu waahn bi evriting we Gad waahn yu fi bi, gwaan go sel evriting we yu av an gi di moni tu di puo piipl dem, an yu wi rich iina evn. Wen yu du dat, kom fala mi.”

Matyu 19:21 ပူးပေါင်းရင်းမြစ်များ

Maak 10:21

Jiizas luk pan im an lov im, an se tu im se, “A onggl wan sitn yu shaat a. Go sel evriting we yu av an gi di moni tu di puo piipl dem, an yu wi rich iina evn. Wen yu du dat, kom fala mi.”

Luuk 18:22

Afta Jiizas ier dis, Jiizas se tu im se, “Yu stil av wan ting lef fi du. Sel evriting we yu av an gi di moni tu di puo piipl dem, an yu wi rich iina evn. Wen yu du dat, kom fala mi.”

Luuk 12:33

Sel wa unu av an elp di puor so unu kyan get moni we kyaahn ron out an stuor op aal kain-a gud sitn fi unuself iina evn. Wa de op de-so no tiif kyaahn kom tek an no mat kyaahn kom nyam nyam op.

Luuk 14:33

So, ef yu no gi op evriting, yu kyaahn ton wan a mi falara dem.

Aks 2:45

Dem sel som a di sitn dem we dem did av an gi tu wan aneda fram taim tu taim azkaadn tu wa dem niid.

Jan 12:26

Enibadi we waahn sorv mi afi fala mi. Eniwe mi de, dem a-go de de tu, an mi Faada a-go big dem op.

Luuk 9:23

Den Jiizas se tu aal a dem se: “Ef sumadi waahn fi ton wan a fi mi falara dem, dem afi figet bout wa dem waahn, tek op dem kraas evridie an fala mi.

Jan 10:27

Fi mi shiip dem lisn tu we mi se. Mi nuo dem, an dem fala baka mi.

Matyu 5:48

So ier mi nou, unu no fi gud onggl somtaim an onggl tu som piipl; nobadi no fi av notn bad fi se bout unu, tan jos laik unu faada we iina evn — im gud aal di wail, tu evribadi, an nobadi kyaahn se notn bad bout im an a taak chuut.”

Luuk 16:9

Mi a tel yu dis, yuuz di moni we yu av fi du gud fi piipl an mek fren, so wen it don, yu wi av wan uom iina evn.

Matyu 19:28

So Jiizas se tu dem se, “Ier mi no, an a chuu mi a taak: Wen Gad mek evriting nyuu agen, an di Man we Gad Pik sidong pan im tap-a-tap chuon, aal a unu, we fala mi, a-go sidong pan unu uona chuon tu. Unu a-go sidong pan twelv chuon a joj Izrel twelv chraib dem.

Matyu 16:24

Den Jiizas se tu aal a im falara dem se, “Ef sumadi waahn fi ton wan a mi falara dem, dem afi figet bout wa dem waahn, tek op dem kraas an fala mi.

Luuk 6:40

Nobadi we a lorn no aiya dan dem tiicha. Bot wen dem don lorn, dem a-go komiin laik dem tiicha.

Luuk 5:27

Afta Jiizas mek di man beta, im lef di toun an im si wan taks kalekta niem Liivai, a sidong a di staal we im kalek taks. Jiizas se tu im, “Fala mi.”

Maak 8:34

Den Jiizas kaal di kroud a piipl an im falara dem an se tu dem se, “Ef sumadi waahn fi ton wan a mi falara dem, dem afi figet bout wa dem waahn, tek op dem kraas, an fala mi.

Matyu 9:9

Wen Jiizas a lef de-so, im si wan man we niem Matyu a sidong a di staal wich paat piipl kalek taks. “Fala mi,” im se tu Matyu. An Matyu get op an fala Jiizas.

Iibruu 10:34

Kaaz fi riil, unu aal sari fi di piipl dem we dem chuo iina prizn. An wen dem kom tek we unu sitn dem, unu mek dem galang wid dem, an aal a sumail sed wie, kaaz unu nuo se unu uon tingz we moch moch beta dan dem sitn de, an wa unu uon a-go laas fi eva.

Maak 2:14

Wen im did de pan im wie im si Liivai, Alfiyos bwai, sidong wich paat piipl kalek taks. Jiizas se tu im se, “Fala mi!” So im get op an fala Jiizas.

Matyu 8:22

Bot Jiizas tel im se, “Fala mi, an mek di ded galang go beri uu ded fi dem.”

Matyu 4:19

Jiizas se tu dem se, “Fala mi, an mi a-go mek unu ton fishaman we kech piipl.”

Matyu 19:20

So di yong man se tu im se, “Mi a fala dem de wid aal a mi aat. So a wa muo mi niid?”

Matyu 19:22

Bot wen di yong man ier dis ya, im aat jrap an im go we sad, kaa im did wel rich.