Matyu 18:8 - Di Jamiekan Nyuu Testiment

⁸ Ef unu an an fut mek unu sin, chap dem aaf an dash dem we. Kaaz it beta fi unu kripl ar kyaahn waak an liv fi eva wid Gad dan fu'unu av tuu an ar tuu fut an get dash dong a el we di faiya no tap bliez.

Matyu 18:8 ပူးပေါင်းရင်းမြစ်များ

Matyu 17:27

“Bot, kaa wi no waahn nobadi beks, go dong a di sii an chuo out yu lain fi kech fish, an di fos fish yu kech wen yu uopm op im mout yu a-go fain wan silva kain. Gi dem dat fi fi mi an fi yu taks fi Gad ous.”

Matyu 25:41

“Den di king a-go se tu aal uu de pan im lef-an-said se, ‘Gwe fram saida mi! Gwaan go bon op iina di faiya we a bliez fi eva an eva. A it Gad did fiks op fi di devl an im ienjel dem, bot im a sen unu go de tu!

Matyu 25:46

“An dem piipl ya, dem a-go go wich paat dem get ponish fi eva, bot di wan dem we du we rait iina Gad yai, Gad a-go mek dem liv fi eva.”

Luuk 14:33

So, ef yu no gi op evriting, yu kyaahn ton wan a mi falara dem.

Luuk 16:24

So im kaal out, ‘Faada Iebriyam, elp mi, sen Lazaros kom dip di tip a im fingga iina waata fi kuul mi tong. Mi a sofa bad bad iina dis ya faiya ya.’

Ruoman 13:12

Wi taim pan da ort ya suun don, it komiin laik wen nait a don an die a lait. So mek wi tap du di wikid sitn dem we piipl du iina di daak an insted-a dat tek op di wepan dem wa wi yuuz fi fait iina di die taim.

Revilieshan 14:10

Gad a-go beks bad an a-go ponish dem wikid. A laik se dem a jringk chrang wain we Gad chuo gi dem iina wan kop an it no waata dong. Gad gweehn ponish dem wid solfa we a-go bon dem op laik faiya infronta im uoli ienjel dem an di Biebi Shiip.

Revilieshan 20:15

Enibadi uufa niem no rait dong iina di buk we Gad rait di niem a di piipl dem we a-go liv fi eva an eva, dem a-go get fling dong iina di liek a faiya tu.

Revilieshan 21:8

Bot di wan dem we a kowad, we no biliiv iina Gad, we mek demself doti wid aal a di naasi sitn we dem du, we kil piipl, we tek paat iina aal kain-a seks sin, we wok uobiya, we worship faalz gad an we tel lai — dem a-go get fling dong iina di liek a faiya we a bon wid solfa. A dis a di sekan det.”