Matyu 18:6 - Di Jamiekan Nyuu Testiment

⁶ Bot enibadi we mek wan a dem likl pikni ya, we biliiv iina mi, sin, dem wuda betaraaf ef wan big big rakstuon did tai roun dem nek an dem go joun dong a di batam a di sii.

Matyu 18:6 ပူးပေါင်းရင်းမြစ်များ

Matyu 17:27

“Bot, kaa wi no waahn nobadi beks, go dong a di sii an chuo out yu lain fi kech fish, an di fos fish yu kech wen yu uopm op im mout yu a-go fain wan silva kain. Gi dem dat fi fi mi an fi yu taks fi Gad ous.”

Matyu 18:10

“Mek shuor se unu no luk dong pan non a dem likl pikni ya. Kaaz mi tel unu dis, dem av dem uona ienjel, an fi dem ienjel we iina evn a si mi Faada fies aal di taim.

Matyu 18:14

A siem so unu Faada we iina evn no waahn dem likl wan ya fi go chrie.

Matyu 18:5

“An enibadi we welkom pikni laik da wan ya, kaa di pikni chos iina mi, dem welkom mi tu.

Maak 9:42

“Ef nobadi mek wan a dem likl pikni ya we biliiv iina mi sin, it wuda beta fi dem ef sumadi tai wan big big rakstuon roun dem nek an fling dem iina di sii.

Aks 9:5

Saal aks, “A uu yu, Sa?” Jiizas ansa, “Mi a Jiizas, di wan we yu a mek sofa.

Ruoman 14:21

It gud fi no iit miit ar jringk wain ar fi du notn we wuda kaaz yu breda ar sista fi sin.