Matyu 18:28 - Di Jamiekan Nyuu Testiment

²⁸ “Afta im go we nou, da sed sorvant de si wan neks sorvant we uo im wan lili bit a moni wen yu tingk bout umoch im did uo di king. Di sorvant grab di neda wan chuot an staat chuok out im die lait. Im se, ‘Gi mi di moni we yu uo mi!’

Matyu 18:28 ပူးပေါင်းရင်းမြစ်များ

Matyu 18:27

Di king fiil sari fi im an mek im gwaan. An aal we im did uo, di king se im na'afi pie bak notn agen.

Matyu 18:29

“Di neda wan we a wan sorvant jos laik im jrap pan im nii an beg im, ‘Du, tek taim wid mi. Gi mi som taim an mi wi pie bak aal a we mi uo yu.’

Matyu 20:2

Im an dem wok out se im wi pie dem wan naamal die wok pie, an den im sen dem go pan im griep faam fi staat di wok.

Maak 14:5

It kuda did sel fi muo dan chrii onjrid silva kain an tek di moni gi puo piipl!” So dem staat ries ar op.

Maak 6:37

Jiizas ansa dem se, “Unu gi dem sitn fi nyam.” So dem se tu im se, "It wuda tek iet mont wot a pie fi bai fuud fi fiid da kroud a piipl ya! We wi fi get dat de kaina moni?"

Luuk 10:35

Di neks maanin im gi di uona fi di ges ous tuu silva kain, an se, ‘Tek kier a im, an wen mi kom bak, mi wi gi yu bak eni moni we yu spen fi luk aafa im.’ ”

Luuk 7:41

Jiizas tel im se, “Tuu man did uo wan monilenda. Wan uo im faiv onjrid silva kain, an di ada wan did uo fifti.

Jan 6:7

Filip ansa im an se, “No iivn iet mont wot a pie wuda inof fi bai fuud fi mek non a dem piipl ya get iivn wan likl tups a fuud.”