Matyu 18:22 - Di Jamiekan Nyuu Testiment

²² Jiizas se tu im se, “No iivn sevn taim mi a go tel yu, bot uol a sevnti sevn taim!

Matyu 18:22 ပူးပေါင်းရင်းမြစ်များ

Koloshan 3:13

No mata wa apm, unu fi bier wid unu wan aneda, an paadn unu wan aneda no mata wa dem du. Paadn unu wan aneda, jos laik ou di Laad did paadn unu. Put aan aal a we mi a tel unu nou, laik se a kluoz unu a put aan.

Maak 11:25

So enitaim unu tan op fi prie, ef unu av notn gens nobadi unu fi paadn dem. Da wie de unu faada we iina evn wi paadn unu fi aal a di rang unu du.”

Ifiijan 4:31

Tap kyari beli fi unu wan aneda, an beks op beks op an a get mad wid unu wan aneda — tap it. Tap kos out an tier dong unu wan aneda an unu no fi wikid tu unu wan aneda niida.

Ruoman 12:21

No mek wikidnis biit yu bot biit wikidnis wid gud.

Ifiijan 4:26

Ef unu get beks bout sopm, no mek dat kaaz unu fi sin. An no mek di die don an unu stil beks wid wan aneda.

1 Timoti 2:8

So mi aks dat wen unu kom tugeda fi worship Gad, dat aal a di man dem wi lif op dem an, an prie. Dem man ya laif mos kliin an wen dem a prie dem no fi av op nobadi iina dem aat ar a kwaril wid dem wan aneda.

Matyu 18:23

“Mi a tel unu dat, kaaz a dis Gad kindom komiin laik: it komiin laik wan king we did waahn chek aaf umoch aal a im sorvant dem did uo im.