Matyu 18:10 - Di Jamiekan Nyuu Testiment

¹⁰ “Mek shuor se unu no luk dong pan non a dem likl pikni ya. Kaaz mi tel unu dis, dem av dem uona ienjel, an fi dem ienjel we iina evn a si mi Faada fies aal di taim.

Matyu 18:10 ပူးပေါင်းရင်းမြစ်များ

Matyu 1:20

Jos wen Juozif did a tingk fi du dat, wach ya nou — wan a di Laad ienjel dem no jriim im. Di ienjel se, “Juozif, Dievid pikni, no fried fi tek Mieri an marid ar, kaa di pikni we iina ar beli, a di Uoli Spirit put im de.

Matyu 12:20

Jos laik ou im wuda neva pap out piis a graas we evribadi kom tep tep op pan, ar out wan lamp we bieli a lait op, im naa go rof op piipl we wiik an ort di wan dem we no chrang. An im a-go gwaan til im mek piipl si se mi kyan siev dem.

Matyu 18:14

A siem so unu Faada we iina evn no waahn dem likl wan ya fi go chrie.

Matyu 18:6

Bot enibadi we mek wan a dem likl pikni ya, we biliiv iina mi, sin, dem wuda betaraaf ef wan big big rakstuon did tai roun dem nek an dem go joun dong a di batam a di sii.

Matyu 2:13

Afta dem go we, wan a di Laad ienjel dem jriim Juozif an se, “Git op! Tek di pikni an im mada an ron we go a Iijip. Tan de til mi tel yu, kaa Erad a-go luk fi di pikni fi kil im.”

Matyu 2:19

Afta Erad ded, luk ya no: wan a di Laad ienjel dem no jriim Juozif wen im de a Iijip.

Matyu 24:31

Im wi sen im ienjel dem fi kom bluo di chompit loud loud, an dem gweehn gyada op di piipl dem we im pik fram naat, sout, iis an wes, fram aal uova di worl.

Luuk 1:19

Di ienjel tel im se, “Mi a Giebrel. Mi tan op bifuo Gad an im sen mi fi taak tu yu an fi tel yu di gud nyuuz.

Luuk 10:16

Fi don we im a se, Jiizas se tu im sevnti-tuu falara dem, “Enibadi we lisn tu unu lisn tu mi. Enibadi we ton dem bak pan unu, ton dem bak pan mi. Dem we ton dem bak pan mi ton dem bak pan di wan we sen mi.”

Luuk 16:22

“Di bega ded an di ienjel dem kyari im tu Iebriyam said. Di rich man ded tu an get beri.

Aks 10:3

Wan die roun chrii aklak, Kaaniiliyos get wan vijan. Iina im vijan im si wan a Gad ienjel kom tu im. Di ienjel se tu im se, “Kaaniiliyos!”

Aks 12:15

Bot dem se tu ar se, “Yu ed a tek yu!” Bot shi kip aan a tel dem se a im out de fi riil, an dem kip aan a se tu ar se, “A mosi im ienjel!”

Aks 12:23

Siem taim wan a di Laad ienjel chraik dong Erad kaaz im tek di priez fi imself insted-a mek di piipl dem priez Gad. Di siknis we im get mek worm staat nyam im til im ded.

Aks 27:23

Mi nuo dat kaaz laas nait di Gad we mi bilang tu an we mi sorv sen wan ienjel tu mi an im se tu mi se,

Aks 5:19

Bot iina di nait wan a di Laad ienjel dem uopm di prizn duor an let out di apasl dem. Di ienjel se,

Ruoman 14:10

So den unu we no iit miit — wa mek unu a joj unu breda an sista? An unu we iit evriting — wa mek unu a luk dong pan unu breda an sista? Aal a wi afi go tan op infronta Gad fi im joj wi.

Ruoman 14:21

It gud fi no iit miit ar jringk wain ar fi du notn we wuda kaaz yu breda ar sista fi sin.

Ruoman 15:1

Nou wi we chrang iina wa wi biliiv, wi fi tek taim wid an elp di wan dem we wiik. Wi no fi jos du di sitn dem we wi waahn an wa wi mek wi api.

1 Korintiyan 11:22

Wa apm? Unu no av yaad wich paat unu kyan nyam an jringk? Ar a shuo unu a chrai shuo se unu iet Gad choch wen unu shiem di piipl dem we no av notn? Wa mi fi se tu unu? Unu waahn mi tel unu ou unu gud? Mi kyaahn tel unu se unu a du gud wen unu du dem tingz ya.

1 Korintiyan 16:11

No mek nobadi luk dong pan im ar chriit im laik se im a notn. Unu mos elp im fi gwaan go wich paat im a-go iina piis, kaaz mi a luk fi im an di res a breda dem we a du Gad wok, fi kom bak tu mi.

1 Korintiyan 9:22

Tu di piipl dem we wiik mi ton wiik tu, so dat mi kuda elp dem fi biliiv iina Jiizas Krais. So bies pan ou piipl liv, mi chienj ou mi liv so dat mi wuda du aal we mi kuda du fi elp siev som a dem.

2 Korintiyan 10:1

Som piipl se mi saaf wen mi de de mongks unu bot gwaan laik mi rof wen mi de faar. Bot mi, Paal, mi a beg unu, iina Jiizas niem, Jiizas we kain an jengkl,

2 Korintiyan 10:10

Kaaz som piipl se, “Im rof wen im a rait wi. Iina im leta dem im taak tu wi aad bot wen im de mongks wi im saaf an wa im tel wi no wot notn.”

Gyalieshan 6:1

Breda an sista, ef unu fain se sumadi we iina di choch a liv iina sin, unu we a liv ou Gad Spirit se unu fi liv, mos karek dem bot tek taim wid dem. Tek kier so unu no faal iina sin tu.

1 Tesaluoniyan 4:8

An enibadi we no du dis, a no jos man dem naa fala bot dem ton dem bak pan Gad — Gad, we gi unu im Uoli Spirit.

1 Timoti 4:12

No mek nobadi put yu dong kaaz yu yong. Mek shuor yu liv rait so piipl kyan fala yu: lov piipl, chos iina Gad an liv wan kliin laif an no sin.

Iibruu 1:14

Aal a di ienjel dem, no spirit dem — spirit we Gad sen fi go sorv di piipl dem we a-go get siev? No so?

Iibruu 9:24

Kaaz Krais Jiizas neehn go iina wan tent we piipl mek, we did jos a ak laik di riil tent — nuo sa! Im go iina evn itself an de de wid Gad nou, fi elp wi.

Revilieshan 8:2

Wen mi luk mi si sevn ienjel we tan op infronta Gad an sumadi did gi dem sevn chompit.