Matyu 17:27 - Di Jamiekan Nyuu Testiment

²⁷ “Bot, kaa wi no waahn nobadi beks, go dong a di sii an chuo out yu lain fi kech fish, an di fos fish yu kech wen yu uopm op im mout yu a-go fain wan silva kain. Gi dem dat fi fi mi an fi yu taks fi Gad ous.”

Matyu 17:27 ပူးပေါင်းရင်းမြစ်များ

Matyu 17:26

“Fram farina,” Piita ansa bak. “So dem uona piipl na'afi pie taks den,” Jiizas se.

Matyu 18:6

Bot enibadi we mek wan a dem likl pikni ya, we biliiv iina mi, sin, dem wuda betaraaf ef wan big big rakstuon did tai roun dem nek an dem go joun dong a di batam a di sii.

Matyu 18:8

Ef unu an an fut mek unu sin, chap dem aaf an dash dem we. Kaaz it beta fi unu kripl ar kyaahn waak an liv fi eva wid Gad dan fu'unu av tuu an ar tuu fut an get dash dong a el we di faiya no tap bliez.

Matyu 5:29

Ef unu rait yai a mek unu sin, tier it out an dash it we! Aftaraal it beta fi luuz onggl wan badi paat, dan di wol a di badi get fling dong a el.

Matyu 5:30

Ef unu rait an mek unu sin, chap it aaf man an dash it we! Aftaraal it beta fi luuz onggl wan badi paat, dan di wol badi get fling dong a el.

Maak 9:42

“Ef nobadi mek wan a dem likl pikni ya we biliiv iina mi sin, it wuda beta fi dem ef sumadi tai wan big big rakstuon roun dem nek an fling dem iina di sii.

Maak 9:43

So ef unu an mek unu sin, chap it aaf. Kaaz it wuda beta fi unu kripl an liv fi eva wid Gad dan fi av tuu an an get fling dong iina el faiya we kyaahn out!

Luuk 17:2

Dem wuda betaraaf ef wan big big rakstuon did tai roun dem nek an dem get fling iina sii, dan fi dem kaaz wan a dem likl wan ya fi sin.

Jan 6:61

Bot chuu Jiizas did nuo se im falara dem did a se dem sitn de, im se tu dem se, “Wa apm, wa mi se a bada unu?

Ruoman 14:21

It gud fi no iit miit ar jringk wain ar fi du notn we wuda kaaz yu breda ar sista fi sin.

1 Korintiyan 8:13

So ef wa mi nyam a-go kaaz mi breda fi sin, mi wi tap nyam it. Da wie de mi wudn kaaz im fi sin.

1 Korintiyan 8:9

Wach unuself duo! Unu frii fi iit di fuud bot mek shuor se wen unu a iit it, unu naa kaaz di wan dem we yong iina wa dem biliiv fi sin.

2 Korintiyan 6:3

Wi mek shuor se wi no du notn we wuda kaaz piipl fi no biliiv iina di mesij we wi a tiich. Wi no waahn nobadi fi av notn bad fi se bout di wok we wi a du.

2 Korintiyan 8:9

Kaaz unu nuo ou wi Laad Jiizas Krais shuo wi lov iivn duo wi no dizorv it. Im did rich bot im gi op evriting an mek imself puor so dat unu we puor kuda get rich.

1 Tesaluoniyan 5:22

an kip we fram aal kain-a sitn we bad.

Jiemz 2:5

Mi breda an sista, ier wa mi a se. No Gad pik di puo piipl iina di worl fi bles dem kaaz dem biliiv iina im? Im pik dem fi tek paat iina im kindom wa im pramis fi gi aal uu lov im.