Matyu 16:8 - Di Jamiekan Nyuu Testiment

⁸ Jiizas did don nuo wa dem a se, so im se tu dem, “Bwai, wat a likl bit a chos unu put iina mi! Mek unu a taak mongks unu wan aneda bout ou unu naa no bred, iihn?

Matyu 16:8 ပူးပေါင်းရင်းမြစ်များ

Matyu 6:30

An ef dat a ou Gad jres op wail graas, we de ya tide, an dash iina faiya tumaro, den im naa go mek shuor se unu av kluoz fi wier tu? Luk pan unu, wa likl bit a chos unu put iina Gad!

Matyu 14:31

Siem taim, Jiizas chrech out im an an kech Piita. Im se tu im se, “Ai, wat a likl bit a chos yu put iina mi! Wa mek yu staat wanda, iihn?”

Maak 16:14

Afta dat Jiizas shuo imself tu im ilevn falara dem wen dem did a nyam. Im taak tu dem aad aad bout ou dem aad-iez an dem aat tof kaaz dem neva biliiv di wan dem we did si im afta im kom bak alaiv.

Matyu 8:26

Bot im se tu dem se, “Ou unu friedi-friedi so? Unu chos iina Gad likl bit iihn?” Den im get op an tel di briiz an di sii fi sekl demself. An evriting jos sekl bak dong.

Revilieshan 2:23

Mi a-go kil aaf ar falara dem. Den aal a di choch dem wi fain out se a mi a di wan we sorch out evribadi main an aat. An fi aal we unu a du, mi a-go pie unu bak wa unu fi get.

Iibruu 4:13

No iivn wan sitn kyan aid fram Gad! Bot evriting uopm op an im kyan si di uol a dem, an a im wi afi go ansa tu bout evriting we wi du.

Jan 16:30

A nou wi nuo se yu nuo evriting, an yu no niid nobadi fi aks yu notn. Siek-a dat, wi biliiv se a Gad sen yu kom iina di worl.”

Matyu 16:7

So dem staat taak bout dis mongks dem wan aneda, “Yu nuo se a kaa wi no bring no bred.”