Matyu 16:27 - Di Jamiekan Nyuu Testiment

²⁷ Kaaz di Man we Gad Pik a-go kom wid im ienjel dem an im a-go av powa we kom fram im Faada. Im a-go gi evribadi wa dem fi get bies pan di sitn dem we dem du.

Matyu 16:27 ပူးပေါင်းရင်းမြစ်များ

Matyu 13:41

Di Man we Gad Pik a-go sen out im ienjel dem, an dem a-go tek outa im kindom evriting we mek piipl du rang an aal a di rang-duwa dem.

Matyu 13:49

A siem so it a-go go pan di laas die. Ienjel a-go tek out di wikid piipl fram di wan dem we liv rait.

Matyu 24:30

“Den, yu av sitn we mek evribadi nuo se di Man we Gad Pik a kom, piipl a-go si da sitn de op iina di ier, an piipl fram aal uova a-go staat baal. Dem a-go si di Man we Gad Pik a kom pan kloud we kom outa evn, an im a-go av powa, an wan brait brait lait we kom fram Gad a shain roun im.

Matyu 25:31

“Wen di Man we Gad Pik kom wid di powa we im av kaa im a king, an aal a di ienjel dem kom wid im, im a-go sidong pan im tap-a-tap chuon.

Matyu 26:64

So Jiizas se tu im se, “Yu se it yuself. Bot ier mi no, fram nou aan yu a-go si di Man we Gad Pik a sidong a di rait an a di wan we powaful, an a kom dong pan kloud we kom outa evn.”

Matyu 8:20

Jiizas se tu im se, “Faks av uol, an di bod dem av nes, bot di Man we Gad Pik no av no we fi pudong im ed.”

Maak 14:62

“Ye!” Jiizas ansa, “An unu a-go si di Man we Gad Pik a sidong a di rait an a di wan we powaful, an a kom dong pan kloud we kom outa evn.”

Maak 8:38

Kaaz ef nobadi shiem a mi an fi mi mesij iina da worl ya we ful op a sin an piipl we ton dem main gens Gad, di Man we Gad Pik naa go av notn fi du wid dem wen im kom iina im Faada brait brait lait wid im uoli ienjel dem.”

Luuk 21:27

Den dem a-go si di Man we Gad Pik a kom iina wan kloud an im a-go av powa an wan brait brait lait a shain roun im.

Luuk 22:69

Fram nou aan, di Man we Gad Pik a-go sidong a di rait an a Gad, we powaful.”

Luuk 9:26

Ef enibadi shiem a mi an wa mi tiich, wen di man we Gad Pik kom, im a-go shiem a dem tu. Wen im kom im lait a-go shain roun im. An di lait we shain roun di Faada an di uoli ienjel dem, a-go shain roun im tu.

Jan 21:22

Jiizas se tu im se, “Ef mi waahn im fi liv til mi kom bak, wa mek dat a bada yu? Yu jos fala mi.”

Jan 21:23

So siek-a Jiizas se so, it did a go roun mongks di breda an sista dem se da falara ya neehn a-go ded. Bot a no dat Jiizas did se, im se, “Ef mi waahn im fi liv til mi kom bak, wa mek dat a bada yu?”

Aks 1:11

an se tu dem se, “Unu man we kom fram Gyalalii, wa mek unu tan op ya-so wid unu yai faasn pan di skai? Da siem Jiizas ya we unu si get tek op fram unu iina evn, im a-go kom bak di siem wie, jos laik ou unu si im go op iina evn.”

Ruoman 14:12

So den evribadi afi go ansa tu Gad fi demself.

Ruoman 2:6

Gad “wi gi evribadi wa dem fi get — im wi pie dem bies pan wa dem du.”

1 Korintiyan 15:23

Bot evribadi naa go kom bak alaiv siem taim, evribadi av dem uona taim. Gad mek Jiizas Krais kom bak alaiv fos, an wen Jiizas Krais kom bak agen, di piipl we biliiv iina im an we ded, dem a-go kom bak alaiv tu.

1 Korintiyan 3:13

Pan di die wen Krais Jiizas kom bak evribadi a-go nuo wa evribadi bil wid an evribadi a-go nuo ef wa evribadi bil gud kaaz Gad a-go tes it wid faiya.

1 Korintiyan 8:8

Bot fuud naa go mek wi an Gad kluosa, so a notn ef wi iit di fuud ar wi no iit di fuud. It naa du wi notn bad.

2 Korintiyan 5:10

Kaaz aal a wi a-go afi tan op infronta Krais Jiizas, an im a-go joj wi. An weda gud ar bad, im a-go pie bak evri wan a wi fi di sitn dem we wi du wen wi did de pan ort.

Ifiijan 6:8

Memba se Gad gweehn pie evribadi fi we dem du, sliev ar no sliev.

Koloshan 3:25

Az fi di wan dem we du rang, Gad a-go gi dem bak sitn fi aal a di rang we dem du. Im no kier a uu dem.

1 Tesaluoniyan 1:10

An dem taak bout ou unu a wiet fi Jiizas, Gad Bwai Pikni, fi kom fram evn. Jiizas, we Gad mek kom bak alaiv. Jiizas, we siev wi fram Gad jojment we a kom.

1 Tesaluoniyan 4:16

Kaaz di Laad imself a-go kom dong fram outa evn, an piipl a-go ier im baal out loud. Dem a-go ier di ed ienjel kaal out an Gad chompit a-go bluo. An di piipl dem we ded we did biliiv iina Krais Jiizas, dem a-go kom bak alaiv fos.

Jiemz 5:7

Mi breda an sista, no gi op, jos wiet til di Laad kom. Tingk bout ou wan faama afi wiet lang fi di soma an di spring rien fi mek im fiil gruo.

1 Piita 1:17

Gad no paashal, an im a-go joj evribadi bies pan ou dem liv dem laif an wa dem du. Ef unu kaal im Faada, unu fi liv rait an shuo im rispek fi di taim we unu de ya mongks chrienja.

1 Jan 2:28

Breda an sista, tan iina Krais Jiizas so dat wen im kom bak wi no afi fried an ron go aid iina shiem.

Juud 1:14

Iinok did iina di sevn set a pikni we kom dong fram Adam lain a piipl dem. Im did priich bout di wikid piipl dem. Im se, “Di Laad a-go kom wid touzn tap a touzn a im uoli wan dem.

Revilieshan 1:7

Luk de! Im a kom iina di kloud, an evri yai a-go si im, iivn di wan dem we mek dem kil im wid di suod; an aal di piipl dem pan ort a-go baal siek-a im. A so it a-go go! Iemen.

Revilieshan 2:23

Mi a-go kil aaf ar falara dem. Den aal a di choch dem wi fain out se a mi a di wan we sorch out evribadi main an aat. An fi aal we unu a du, mi a-go pie unu bak wa unu fi get.

Revilieshan 20:12

An mi si ded piipl, piipl we mata an piipl we no mata, tan op infronta di chuon, an som buk did uopm op. An wan neda buk did uopm op tu, di buk we Gad rait dong di niem a di piipl dem we a-go get fi liv fi eva. Di ded piipl dem get joj bies pan wa dem did du. An wa dem did du did rait dong iina di buk dem.