Matyu 16:23 - Di Jamiekan Nyuu Testiment

²³ Bot Jiizas ton tu Piita an se, “Gu we fram mi Sietan! Yu dis a blak op mi wie so, kaa yu naa tingk bout di sitn dem we Gad waahn; a onggl wa piipl waahn de pan yu main!”

Matyu 16:23 ပူးပေါင်းရင်းမြစ်များ

Matyu 16:22

So Piita tek im wan said an staat ries im op fi se sitn laka dat: “Laad, mi prie se Gad neva mek sitn laka dat apm! Dis mosn apm tu yu!”

Matyu 18:7

“Chobl fi da worl ya, siek-a aal a di sitn dem we de ya fi mek piipl du rang! Tingz afi kom fi mek piipl sin yu no, bot yu si di piipl dem we mek ada piipl du rang, chobl fi dem!

Matyu 4:10

Jiizas ansa bak, “Muuv an gu we fram mi Sietan! It rait dong se, ‘Yu fi worship di Laad we a yu Gad, an a im wan yu fi sorv.’”

Maak 8:33

Bot Jiizas ton roun an luk pan im ada falara dem, den im taak aad aad tu Piita an se, “Gu we fram mi Sietan! Yu naa tingk bout di sitn dem we Gad waahn, a onggl wa piipl waahn de pan fi yu main!”

Luuk 4:8

An Jiizas ansa im, “It rait dong se, ‘Yu fi worship di Laad we a yu Gad, an a im wan yu fi sorv.’ ”

Jan 6:70

Den Jiizas ansa bak an se, “No twelv a unu mi pik? An stil wan a unu a di devl uona self.”

Ruoman 14:13

So mek wi tap joj wi wan aneda. Insted-a dat mek wi chrai wi bes fi no du notn we wi kaaz wi breda an sista fi sin.

Ruoman 14:21

It gud fi no iit miit ar jringk wain ar fi du notn we wuda kaaz yu breda ar sista fi sin.

Filipiyan 3:19

Dem piipl de, fi dem gad a dem beli an wa dem badi waahn. Di sitn dem we dem shuda shiem bout, a dem sitn de dem a buos bout. Di onggl ting we ful op dem main a di sitn dem we iina da worl ya. Gad gweehn mash dong dem piipl de.

Koloshan 3:2

So, unu fi gwaan tingk bout di sitn dem we de iina evn, an no bout di sitn dem we de ya-so pan ort.