Matyu 16:19 - Di Jamiekan Nyuu Testiment

¹⁹ Mi a-go gi yu di kii fi Gad kindom. Eniting we yu se no fi gwaan pan ort a dat Gad wuda se aredi. An eniting we yu se: ye, dat kyan gwaan, Gad wuda lou dat fi gwaan aredi.”

Matyu 16:19 ပူးပေါင်းရင်းမြစ်များ

Matyu 18:18

“Mi a tel unu dis, an a chuu mi a taak, eniting we unu se no fi gwaan ya-so pan ort, Gad wuda don se it no fi gwaan niida. An eniting we unu se: ye, dat kyan gwaan, Gad a-go don lou dat fi gwaan aredi.

Jan 20:23

Ef unu paadn sumadi fi di rang we dem du, Gad a-go paadn dem; ef unu no paadn dem, Gad naa go paadn dem niida.”

Aks 15:7

Afta dem did a aagyu fi wan gud wail, Piita get op an taak tu dem. Im se, “Mi breda, unu nuo ou lang taim a-go Gad pik mi fram mongks unu an yuuz mi fi tel di piipl we a no Juu di Gud Nyuuz so dem wuda biliiv iina Jiizas.

2 Korintiyan 2:10

Enibadi we unu paadn, mi paadn dem tu (dat a ef mi av notn fi paadn). Jiizas Krais si an nuo se mi riili paadn dem an mi du it fi elp unu.

1 Tesaluoniyan 4:8

An enibadi we no du dis, a no jos man dem naa fala bot dem ton dem bak pan Gad — Gad, we gi unu im Uoli Spirit.

Revilieshan 1:18

Mi alaiv! Mi did ded wan taim, bot luk, nou mi a liv fi eva! Mi av di kii an di powa fi uopm ar lak op di plies we di ded piipl dem de, an mi kyan mek dem kom bak alaiv.

Revilieshan 11:6

Gad gi dem tuu man de powa fi shot op di skai so no rien kyaahn faal di uol taim dem de de a priich im mesij bout wa a-go apm. An im gi dem powa tu fi ton waata iina blod an fi lik di ort wid aal kain-a sofarieshan enitaim dem waahn.

Revilieshan 3:7

Im se tu mi agen se, “Rait da leta ya go gi di liida fi di choch we iina Filidelfiya an tel im se: Da mesij ya a kom fram di wan we uoli an we aalwiez du we Gad waahn im fi du. A im av King Dievid kii we shuo se im av di powa fi ruul. Wa im uopm nobadi kyaahn shot, an wa im shot nobadi kyaahn uopm.

Revilieshan 9:1

Wen di fif ienjel bluo im chompit, mi si wan staar we did jrap pan di ort. Sumadi gi di staar di kii fi di tonel we liid tu di diip diip pit we no av no batam.