Matyu 16:17 - Di Jamiekan Nyuu Testiment

¹⁷ So den Jiizas se tu im se, “Saiman, Juona bwai pikni, yu bles, kaa a no naamal piipl mek yu nuo dat, bot a fi mi Faada we iina evn tel yu dat!

Matyu 16:17 ပူးပေါင်းရင်းမြစ်များ

Luuk 22:32

Bot mi prie fi yu, Saiman, so yu no tap biliiv. An wen yu chos iina mi muo agen, elp yu breda dem fi chos iina mi tu.”

Jan 1:42

An im kyari Saiman go wich paat Jiizas did de. Wen Jiizas si Saiman, im luk pan im an se, “Yu a Saiman, Jan bwai pikni. Fram nou aan, yu niem Siifas” (iina fi dem langwij, dat de a di niem fi Piita).

Jan 6:45

Wan a di prafit dem rait iina Gad wod se, ‘Gad a-go tiich aal a dem.’ Evribadi we lisn tu di Faada an tek iin wa im se kom tu mi.

1 Korintiyan 15:50

Mi breda an sista, dis a wa mi a chrai fi se tu unu, notn we mek op a buon an blod kyan tek paat iina Gad kindom. An sitn we ded kyaahn liv fi eva a di siem taim, a dat mek di badi we wi av nou, a no di badi wi a-go av wen Gad mek wi kom bak alaiv.

Gyalieshan 1:16

im mek mi nuo im Bwai Pikni, Jiizas, so dat mi kuda tiich di piipl dem we a no Juu bout im. Mi neva go taak tu nobadi wen dem sitn de apm tu mi,

Ifiijan 2:8

Gad siev unu kaaz im lov unu iivn duo wi no dizorv it, an kaaz unu chos iina im. A no siek-a notn we unu du mek im siev unu. Di nyuu laif we Gad gi unu a wan prezent.

Ifiijan 3:5

Gad neehn shuo da siikrit ya tu piipl bifuo nou. Bot iina dem taim ya, im mek di Uoli Spirit tel im piipl dem we im pik fi bi im apasl an prafit dem bout di siikrit.

Ifiijan 6:12

Kaaz wi iina wan fait, bot a no naamal sumadi wi a fait gens. Nuo! Wi a fait gens som wikid spirit iina di skai we av di powa an di rait fi ruul iina da taim ya we daak laik nait.

Iibruu 2:14

So den, sins dem pikni ya a piipl laik evribadi els, im did ton sumadi jos laka dem, da wie de, wen im go ded, im kuda tek we di devl powa, an mek im naa no muo powa fi kil nobadi.

1 Piita 5:1

Mi a taak tu di elda dem ya nou. Mi a elda laik unu, mi a wan we si fi miself ou Krais Jiizas did sofa tu, an mi tel piipl bout dis, an mi a-go daans an praans wid im wen im kom bak wid aal a di powa we evribadi a-go si. So mi a beg unu du,

1 Jan 4:15

Ef nobadi se Jiizas a Gad pikni, Gad liv iina im an im liv iina Gad.

1 Jan 5:20

Wi nuo se Jiizas Krais, Gad Bwai Pikni kom an shuo wi di riil Gad. Siek-a Jiizas, wi bilang tu Gad nou — di riil Gad we mek piipl liv fi eva an eva.