Matyu 16:11 - Di Jamiekan Nyuu Testiment

¹¹ So ou kom unu kudn si se a no fuud mi did a taak tu unu bout? Bot a tel mi a tel unu fi wach out fi di Farisii an Sadyusii piipl dem yiis!”

Matyu 16:11 ပူးပေါင်းရင်းမြစ်များ

Matyu 16:6

“Wach out!,” Jiizas se tu dem. “Gyaad unuself gens di Farisii an Sadyusii piipl dem yiis.”

Jan 8:43

Wa mek unu no andastan wa mi a se? A chuu unu kyaahn riili si chuu wa mi a tel unu se.

Luuk 12:56

“Ipokrit! Unu kyan tel di weda wen unu luk pan wa gwaan roun unu an wen unu luk op iina di skai bot ou kom unu kyaahn andastan wa a gwaan iina dis ya taim ya?

Maak 8:21

So Jiizas se tu dem se, “So a andastan unu stil no andastan?”

Maak 4:40

Den Jiizas aks dem se, “Wa mek unu fried so? Unu stil no biliiv iina Gad?”

Matyu 3:7

Bot wen im si uol iip a piipl fram di Farisii an Sadyusii gruup a kom fi im baptaiz dem, im se tu dem se, “Unu siniek pikni unu! A uu waan unu fi ron we fram di jojment we a kom?

Matyu 16:1

Nou wen di Farisii an Sadyusii piipl dem kom kom tes Jiizas, dem aks im fi wan sain fi pruuv se a Gad sen im kom.

Matyu 16:12

A da taim de Jiizas falara dem kech se im neehn a taak tu dem bout yiis fi mek bred, bot im did a taak gens di sitn dem we di Farisii an Sadyusii piipl dem tiich.

Maak 8:15

So Jiizas tel dem se, “Wach out! Gyaad unuself gens di Farisii dem an Erad yiis.”

Luuk 12:1

Wen touzn an touzn a piipl staat gyada gyada we Jiizas de, dem did so nof dem aal a tep op tep op pan dem wan aneda. Jiizas taak tu im speshal falara dem fos, im se, “Wach out fi di tuu mout Farisii dem.