Matyu 15:6 - Di Jamiekan Nyuu Testiment

⁶ da sumadi de no niid fi du notn agen fi shuo dem mada an faada no rispek’ — a dat unu se. Unu no si se, jos fi fala wa fu'unu faada faada dem tiich, unu no pie Gad wod no main, an unu mek Gad Laa komiin laik se it no miin notn.

Matyu 15:6 ပူးပေါင်းရင်းမြစ်များ

Matyu 15:5

Bot ier wa unu se no, ‘Ef sumadi tel im faada an mada se, “Di elp we mi wuda gi unu, mi don gi Gad aredi,”

Matyu 15:7

Unu oul ipokrit unu! Di prafit, Aizaiya, did rait wen im se,

Maak 7:13

So unu yuuz di sitn dem we unu faada faada dem se, fi mek Gad wod komiin laik se it no miin notn. An unu du nof muo sitn laik dat.”

Ruoman 3:31

So wa dat miin fi di Laa? Ef Gad onggl mek tingz rait bitwiin im an piipl wen dem biliiv, dat miin se di Laa no wot notn? Nuo notn no go so! Wen wi biliiv iina Gad wi a shuo se di Laa riili wot sopm, a da taim de wi riili a fala di Laa.

1 Timoti 5:16

Ef wan uman we biliiv iina Gad, av wan sumadi iina ar fambili we ozban ded, shi fi elp da uman de. Shi fi elp ar, so dat di choch kyan go elp di uman dem we riili niid elp.

1 Timoti 5:8

Bot enibadi we no tek kier a dem uona fambili dem a ton dem bak pan Gad wod an wosa dan sumadi we neva biliiv iina Gad at aal.