Matyu 15:32 - Di Jamiekan Nyuu Testiment

³² Den Jiizas kaal im falara dem tugeda an se, “Mi fiil sari fi dem piipl ya. Kaaz a uol a chrii die nou dem de ya wid mi, an dem naa notn fi nyam. Mi no waahn sen dem we onggri; neks ting dem go jrap dong a ruod.”

Matyu 15:32 ပူးပေါင်းရင်းမြစ်များ

Matyu 12:40

Jos laik ou Juona did de iina di big fish beli fi chrii die an fi chrii nait, a siem so di Man we Gad Pik a-go beri diip iina di grong fi chrii die an chrii nait.

Matyu 14:13

Nou wen Jiizas ier dis im tek wan buot an go we anda di kwaiyat. Im go wich paat nobadi neehn de. Bot wen di piipl dem fain dat out, dem lef fi dem toun an waak go wich paat im de.

Matyu 15:33

So im falara dem se, “A wich paat wi kyan get inof fuud iina dis ya dezot plies fi fiid so moch piipl?”

Matyu 20:34

Jiizas fiil sari fi dem an toch dem yai — Braps! Dem yai get beta an dem kuda si, an di man dem fala Jiizas.

Matyu 27:63

Dem se, “Sa, wi memba wen da oul laiyad de did stil a liv, ou im weehn se, ‘Afta chrii die mi a-go kom bak alaiv.’

Matyu 9:36

Wen im si di kroud a piipl dem, im did sari fi dem, kaa aal saat a sitn did a bada dem, dem did kanfyuuz an dem kudn elp demself. Dem did komiin laik shiip we naa nobadi fi tek kier a dem.

Maak 9:22

Uol iip a taim di diiman fling im iina faiya an iina waata fi kil im. Bot ef yu kyan du notn fi'im, tek piti pan wi an elp wi, du.”

Luuk 7:13

Wen di Laad si ar, im sari fi ar an tel ar se, “Osh! No bada baal!”

Aks 27:33

Wen die suun lait, Paal beg dem fi iit sopm. Im se, “Tide mek fuotiin die sins unu a wori unuself an no iit notn.

Iibruu 4:15

Kaaz wi no av wan liida fi di priis dem we kyaahn andastan we wi a go chuu, an we no nuo se wi no so chrang wen wi fies notn we wi kaaz wi fi sin. Insted-a dat wi av wan we did get presha fi du aal kain-a rang sitn tu, siem laka wi — bot im neehn sin.