Matyu 15:31 - Di Jamiekan Nyuu Testiment

³¹ Evribadi did fraitn fi si dom piipl a taak, uu kripl get beta, uu kudn waak a waak an blain piipl a si. An dem priez Izrel Gad.

Matyu 15:31 ပူးပေါင်းရင်းမြစ်များ

Matyu 9:8

Wen di kroud a piipl si dis ya, dem kech dem fried an staat big op Gad, kaa a im gi piipl di rait an powa fi du dem sitn ya.

Luuk 18:43

Siem taim im kuda si an im fala baka Jiizas a priez Gad. Afta di piipl si wa apm, dem priez Gad tu.

Luuk 7:16

Evribadi fraitn, an dem staat priez Gad. Dem se, “Wan a di prafit dem de ya mongks wi, wan powaful wan! Gad kom fi elp im piipl dem.”

Matyu 18:8

Ef unu an an fut mek unu sin, chap dem aaf an dash dem we. Kaaz it beta fi unu kripl ar kyaahn waak an liv fi eva wid Gad dan fu'unu av tuu an ar tuu fut an get dash dong a el we di faiya no tap bliez.

Matyu 9:33

Wen Jiizas ron di diiman fram outa di man, di man staat chat! An di piipl dem fraitn! Dem se, “Nobadi neva yet si notn laka dis apm iina Izrel!”

Jan 9:24

So di Juu liida dem kaal di man we did blain wan muo taim. “Taak di chuut an shiem di devl,” dem se. “Wi nuo se di man we mek yu get beta a sina man.”

Luuk 14:21

“Di sorvant kom bak an tel im maasta wa dem se. Den di maasta fi di ous get beks an se, ‘Mikies go outa ruod an kyari di puo, di kripl, di blain an di liem piipl dem kom.’

Luuk 14:13

Wen yu av wan dina, invait puor, kripl, liem an blain piipl

Maak 9:43

So ef unu an mek unu sin, chap it aaf. Kaaz it wuda beta fi unu kripl an liv fi eva wid Gad dan fi av tuu an an get fling dong iina el faiya we kyaahn out!

Maak 7:37

An aal uu ier did wel shak. Dem se, “Im du evriting gud! Im aal mek piipl we did def ier, an piipl we did dom taak.”

Maak 2:12

Di man get op siem taim, tek op im chrecha an ed fi im yaad wail evribadi did a wach im. Di piipl did shak an dem priez Gad an se, “Wi neva si notn laik dis bifuo!”

Matyu 21:14

Blain an kripl piipl kom tu Jiizas iina di yaad we Gad ous de, an im get dem beta.

Matyu 8:10

Jiizas jaa jrap wen im ier dis ya, an im se tu di piipl dem we did a fala im se, “Mek mi tel unu dis, an a chuu mi a taak, mi no fain nobadi iina Izrel we chos iina mi so!

Matyu 9:32

Wen Jiizas an im falara dem did a go we, piipl kyari wan man kom we did av wan diiman iina im an we kudn chat.

Matyu 15:30

Wan big big kroud a piipl kom tu im. Dem bring piipl we kyaahn waak, we blain, kripl, dom an we sik iina aal saat a ada wie. Dem put dem dong a Jiizas fut, an im mek di wol a dem get beta.