Matyu 14:31 - Di Jamiekan Nyuu Testiment

³¹ Siem taim, Jiizas chrech out im an an kech Piita. Im se tu im se, “Ai, wat a likl bit a chos yu put iina mi! Wa mek yu staat wanda, iihn?”

Matyu 14:31 ပူးပေါင်းရင်းမြစ်များ

Matyu 14:30

Bot wen im si ou chrang di briiz did a bluo, im kech im fried an staat singk. Piita shout out, “Woi! Siev mi Laad! Siev mi!”

Matyu 14:32

Wen dem go iina di buot di briiz did tap bluo.

Matyu 16:8

Jiizas did don nuo wa dem a se, so im se tu dem, “Bwai, wat a likl bit a chos unu put iina mi! Mek unu a taak mongks unu wan aneda bout ou unu naa no bred, iihn?

Matyu 17:20

So im se tu dem se, “Kaaz unu neehn riili biliiv se Gad wuda dwi'it. Ier wa mi a se, an a chuu mi a taak, ef unu biliiv, iivn fi likl bit — likl laik di liklis siid dem, unu wi se tu da moutn ya, ‘Muuv fram ya-so go de-so,’ an it muuv. Notn naa de bout we unu naa go kyan du.”

Matyu 6:30

An ef dat a ou Gad jres op wail graas, we de ya tide, an dash iina faiya tumaro, den im naa go mek shuor se unu av kluoz fi wier tu? Luk pan unu, wa likl bit a chos unu put iina Gad!

Matyu 8:26

Bot im se tu dem se, “Ou unu friedi-friedi so? Unu chos iina Gad likl bit iihn?” Den im get op an tel di briiz an di sii fi sekl demself. An evriting jos sekl bak dong.

Maak 1:31

Jiizas go tu ar, uol ar an an tek taim riez ar op. Di fiiva brok an shi staat luk aafa dem.

Maak 1:41

Jiizas fiil sari fi di man, so im chrech out im an an toch im an se, “Mi waahn yu fi get kliin. Gwaan, yu beta nou!”

Maak 11:23

Ier wa mi a se, an a chuu mi a taak, ef nobadi se tu da mountn ya, ‘Git op an go fling yuself iina di sii,’ ef im riili biliiv iina im aat an no staat wanda ef it riili a-go apm, it wi apm fi'im fi chuu.

Maak 16:7

So go tel im falara dem, an Piita tu, se im a go a Gyalalii bifuo dem kom. Unu wi si im de, jos laik wa im did tel unu.”

Maak 4:40

Den Jiizas aks dem se, “Wa mek unu fried so? Unu stil no biliiv iina Gad?”

Maak 5:41

Den Jiizas tek taim uol di likl gyal an an se tu ar se, “Taliita kum!” Dat miin, “Likl gyal, git op!”

Luuk 24:34

an se, “A chuu! Di Laad kom bak alaiv an mek Saiman si'im.”

Aks 4:30

Yuuz yu powa an mek piipl beta. An mek wi yuuz di niem a yu sorvant Jiizas fi du som powaful mirikl an som sain.”

1 Timoti 2:8

So mi aks dat wen unu kom tugeda fi worship Gad, dat aal a di man dem wi lif op dem an, an prie. Dem man ya laif mos kliin an wen dem a prie dem no fi av op nobadi iina dem aat ar a kwaril wid dem wan aneda.

1 Piita 1:5

Di siem wie Gad tek kier a dem, a siem so im powa a-go kip unu sief tu, kaaz unu chos iina im. Im a-go kip unu sief an siev unu iina evri wie, an a pan di laas die unu a-go si aal a dat.