Matyu 14:29 - Di Jamiekan Nyuu Testiment

²⁹ So Jiizas se, “Kom!” Piita kom outa di buot, waak pan di waata an a go tu Jiizas.

Matyu 14:29 ပူးပေါင်းရင်းမြစ်များ

Matyu 14:28

Piita ansa bak, “Laad, ef a riili yu, tel mi fi waak pan di waata kom tu yu.”

Matyu 14:30

Bot wen im si ou chrang di briiz did a bluo, im kech im fried an staat singk. Piita shout out, “Woi! Siev mi Laad! Siev mi!”

Matyu 17:20

So im se tu dem se, “Kaaz unu neehn riili biliiv se Gad wuda dwi'it. Ier wa mi a se, an a chuu mi a taak, ef unu biliiv, iivn fi likl bit — likl laik di liklis siid dem, unu wi se tu da moutn ya, ‘Muuv fram ya-so go de-so,’ an it muuv. Notn naa de bout we unu naa go kyan du.”

Matyu 21:21

Jiizas ansa bak, “Mi tel unu dis, an a chuu mi a taak, ef unu jos chos iina Gad likl, an no if-an-bot an wanda-wanda, unu naa go jos du wa mi du tu da fig chrii de, bot aal ef unu se tu da moutn ya, ‘Git op go fling yuself iina di sii, it wi apm.

Maak 9:23

Jiizas ansa im se, “ ‘Ef yu kyan du notn fi'im?’ Ef yu biliiv eniting kyan apm.”

Luuk 17:6

Jiizas se, “Ef unu did chos iina mi likl bit, iivn laka wan likl likl siid, unu kuda se tu da big bredfruut chrii ya, ‘Ruut op yuself fram ya-so an go plaant yuself iina di sii,’ an it wuda du wa unu tel it fi du.

Aks 3:16

A Jiizas powa mek da kripl man ya get beta. So wa unu si apm tide, onggl apm kaaz wi biliiv iina Jiizas. Unu kyan si fi unuself se a Jiizas powa mek im beta.

Ruoman 4:19

Iebriyam a did aalmuos wan onjrid ier uol, im did nuo se im suun ded an dat im waif kudn av no pikni, bot iivn wid aal a dat Iebriyam stil biliiv. No taim at aal im did biliiv se Gad naa go du we im pramis fi du.

Filipiyan 4:13

Mi kyan du eniting, kaaz Krais Jiizas gi mi di powa fi du it.