Matyu 14:27 - Di Jamiekan Nyuu Testiment

²⁷ Bot siem taim Jiizas se tu dem se, “Unu tek aat! A mi, man. No bada fried.”

Matyu 14:27 ပူးပေါင်းရင်းမြစ်များ

Matyu 14:28

Piita ansa bak, “Laad, ef a riili yu, tel mi fi waak pan di waata kom tu yu.”

Matyu 17:7

Bot Jiizas kom kom toch dem. Im se, “Git op. No fried.”

Matyu 28:10

Den Jiizas se tu dem se, “No fried. Gwaan go tel mi breda dem se dem kyan go a Gyalalii. Dem wi si mi de.”

Matyu 28:5

Bot di ienjel se tu di uman dem se, “No fried; mi nuo se a Jiizas unu a luk fa, di wan we dem kil pan di kraas.

Matyu 9:2

Siem taim som piipl bring wan kripl man kom tu im pan wan chrecha. Wen Jiizas si umoch dem biliiv iina im, im se tu di kripl man se, “No wori mi bwai! Mi paadn yu fram aal a yu sin dem.”

Maak 6:50

kaaz aal a dem did si im an dem did kech dem fried. Bot im taak tu dem siem taim an se, “Unu tek aat! A mi, man. No bada fried.”

Luuk 1:13

Di ienjel tel im se, “No fried! Gad ier yu prieya. Ilizibet a-go av wan pikni fi yu, an yu fi kaal im Jan.

Luuk 1:30

So di ienjel se tu ar se, “No fried Mieri, kaaz Gad riili riili bles yu.

Luuk 12:32

“So, unu we a fala mi, no bada fried. Unu Faada api fi gi unu im kindom.

Luuk 2:10

So di ienjel tel dem se, “No fried! Mi av gud nyuuz fi unu. Nyuuz we a-go mek evribadi api.

Luuk 5:10

Tuu a Saiman brejrin dem we did fraitn tu, a Jiemz an Jan, Zebidii bwai dem. Den Jiizas se tu Saiman, “No fried, fram nou aan, yu naa go kech fish, yu a-go kech piipl.”

Jan 16:33

“Mi tel unu dem sitn ya so dat unu kyan av piis iina unu aat kaa mi an unu a wan. Iina da worl ya, unu gweehn av chobl an sofarieshan. Bot no fret! Mi don win di fait wid di worl.”

Jan 6:20

Bot im se tu dem, “A mi, man! No bada fried!”

Aks 23:11

Di neks nait di Laad tan op saida Paal an tel im se, “Tek aat, kaaz siem ou yu tel di Jeruusilem piipl dem bout mi, a siem so yu afi go tel di piipl dem iina Ruom bout mi tu.”