Matyu 14:19 - Di Jamiekan Nyuu Testiment

¹⁹ Den im tel di piipl dem fi go sidong pan di graas. Im tek di faiv bred an tuu fish an im luk op iina di skai, gi tangks an brok op di bred dem. Im gi im falara dem, an dem tek it gi di piipl dem.

Matyu 14:19 ပူးပေါင်းရင်းမြစ်များ

Matyu 14:18

“Bring dem kom gi mi,” Jiizas se tu dem.

Maak 6:39

Den Jiizas aada aal di piipl fi sidong pan di griin graas.

Maak 6:41

Den Jiizas tek di faiv bred an tuu fish an luk op iina di skai, gi tangks an brok op di bred dem. Im gi im falara dem, an dem tek it gi di piipl dem. An im du di siem ting wid di fish dem.

Maak 7:34

Den im luk op iina di skai, gi out wan sai an se, “Ef - fata!” (Dat miin, “Uopm op!”).

Luuk 22:17

Jiizas tek op di kop an gi Gad tangks. Den im se tu dem se, “Tek dis an shier it op mongks unu wan aneda.

Luuk 22:19

Jiizas tek op di bred, gi Gad tangks an brok it op gi dem, an se, “Dis a mi badi, we mi a gi op fi unu. Unu fi du dis fi memba mi.”

Luuk 24:30

Im sidong a di tiebl wid dem. Jiizas tek bred, gi tangks, brok it an gi dem.

Luuk 9:14

(Bout faiv touzn man did de de.) Bot Jiizas se tu im speshal falara dem, “Mek di piipl dem gruup op an sidong. Bout fifti sumadi fi de iina wan gruup.”

Luuk 9:16

Jiizas tek di faiv bred an tuu fish an im luk op iina di skai, gi tangks an brok op di bred dem. Im gi dem tu im falara dem, fi dem gi di piipl dem.

Jan 11:41

So dem muuv we di stuon. Den Jiizas luk op iina di skai an se, “Faada, mi tangk yu fi lisn mi.

Jan 6:23

Den nou, som buot komiin fram Taibiiriyos an sekl saida wich paat di piipl dem nyam di fuud afta di Laad did gi tangks fi it.

Aks 27:35

Afta im se dat, Paal tek bred an gi Gad tangks infronta aal a dem. Den im brok it an staat fi iit it.

Ruoman 14:6

Di piipl we se wan die muor impuotant dan di res, dem a yuuz da die de fi ana Gad. Di piipl we iit evriting, dem a du it fi ana Gad, kaaz dem gi Gad tangks fi di fuud we dem a iit. An di piipl dem we no iit miit, dem du dat fi ana Gad tu, kaaz dem gi Gad tangks fi di fuud we dem iit tu.

1 Korintiyan 10:16

Di kop we wi yuuz wen wi av Laad sopa an we wi gi Gad tangks fa: wen wi jringk fram it wi naa tek paat iina wa Jiizas Krais did du fi wi wen im blod bliid out pan di kraas? An wen wi brok di bred a no tek wi a tek paat iina im badi tu?

1 Korintiyan 10:31

Wel, di chuut a weda yu a iit fuud ar jringk jringks — evriting we yu du, yu fi du it iina wan wie we wi kaaz piipl fi priez Gad.

1 Korintiyan 11:24

an wen im gi tangks fi it, im brok it an se, “Dis a mi badi we mi gi op fi unu. Iit da breda ya an memba mi.”

Koloshan 3:17

An no mata wa unu du: no mata wa unu se ar du, unu fi memba se unu a di Laad Jiizas falara, so du wa unu du laik sumadi we a fala im. Wen unu a du dat, unu wi a gi Faada Gad tangks. An unu wi kyan gi im tangks, siek-a wa Krais Jiizas du fi unu.