Matyu 13:52 - Di Jamiekan Nyuu Testiment

⁵² Den im se tu dem se, “So, aal a di Laa tiicha dem we ton wan falara fi Gad kindom, dem komiin laik sumadi we uon wan ous an im tek outa im bochri uol sitn an nyuu sitn.”

Matyu 13:52 ပူးပေါင်းရင်းမြစ်များ

Matyu 12:35

Di gud man du gud sitn siek-a di gud we stuor op iina im aat. An di wikid man du wikid sitn siek-a aal a di wikidnis we iina im aat.

Matyu 13:51

“Unu andastan aal we mi a se?” Dem se, “Ye.”

Matyu 13:53

Nou wen Jiizas don taak aal a dem tuori ya we soun laik rigl, im muuv fram de-so.

Matyu 23:34

A dat mek mi a-go sen prafit tu unu, mi a-go sen som man we waiz kom, an som piipl we tiich Gad wie, som a dem unu a-go kil an niel pan di kraas, an som, unu a-go biit dem iina di Juu dem choch an ron dem dong fram toun tu toun laik wail animal.

Matyu 28:19

So gwaan, yuuz fi mi powa, tiich mi mesij tu piipl evriwe, so dem kyan ton mi falara tu. An yuuz di powa we di Faada, di Bwai Pikni an di Uoli Spirit gi an baptaiz dem.

Luuk 11:49

Siek-a dis, Gad we waiz iina evri wie se, ‘Mi wi sen prafit an apasl gi dem, bot dem wi kil som, an dem a-go mek som a dem sofa.’

Jan 13:34

“Mi a tel unu fi du sopm nyuu — lov unu wan aneda. Sed wie mi lov unu, a so unu fi lov unu wan aneda.

2 Korintiyan 6:10

Wi aalwiez api iivn wen wi a sofa. An iivn duo wi puor wi a mek nof piipl rich. Mi no miin se wi elp dem mek moni, dem rich kaaz dem biliiv iina Gad an siek-a wa im a go gi dem wen dem biliiv. A siem so wid wi, it komiin laik se wi naa notn bot wi riili av evriting kaaz wi biliiv iina Gad.

Ifiijan 3:4

Wen unu riid wa mi rait, unu wi andastan wa mi nuo bout di siikrit mesij bout Krais Jiizas.

Ifiijan 3:8

Iivn duo mi no impuotant laik di res a Gad piipl dem, Gad shuo mi lov iivn duo mi no dizorv it an pik mi fi priich tu di piipl dem we a no Juu an fi tel dem bout di nais sitn dem we Krais Jiizas gi im piipl. Dem sitn de so big dat nobadi kyaahn figa dem out.

Koloshan 1:7

Dis a di sed sitn unu lorn fram wi breda Epafras. Wi lov im. Im sorv Krais Jiizas, jos laik wi, an im wok gud tu. Im wok fi Jiizas no mata wa, an wen im du dat im elp wi.

Koloshan 3:16

An unu fi gwaan mek di mesij bout Krais Jiizas liv iina unu aat an bles unu iina evri wie. So tiich an waan unu wan aneda. Du it laik unu av sens, an du it wid Saamz, di im dem an di sang dem we Gad Spirit gi unu fi sing. Sing tu Faada Gad wid aal a unu aat an gi im tangks.

1 Timoti 3:6

Di elda no fi bi sumadi we jos staat biliiv iina Jiizas Krais ar im wi get buosi. Kaaz ef im get buosi Gad wi ponish im laik ou im di ponish di devl.

Taitos 1:9

Di elda mos uol aan chrang pan di riil mesij bout Jiizas, we wi tiich. Im afi du dis so im kyan tiich piipl di rait sitn an karek di wan dem we a tiich di rang sitn.