Matyu 13:47 - Di Jamiekan Nyuu Testiment

⁴⁷ “Gad kindom komiin laik dis tu — wan net we fishaman chuo outa sii. An da net de kech aal kain-a fish.

Matyu 13:47 ပူးပေါင်းရင်းမြစ်များ

Matyu 13:44

“Gad kindom komiin laik wan chrezha we did aid we iina wan fiil. Sumadi fain it an aid it agen. Dem so glad, dem sel evriting we dem av an go bai di fiil.

Matyu 13:46

Wen im fain wan we wot uol iip a moni, im sel evriting we im uon an go bai it.

Matyu 13:48

Wen di net ful op, dem aal it go lan. An dem sidong an saat out di fish dem. Dem put di gud wan dem iina bokit, an dash we di bad wan dem.

Matyu 4:19

Jiizas se tu dem se, “Fala mi, an mi a-go mek unu ton fishaman we kech piipl.”

Maak 1:17

Jiizas se tu dem se, “Fala mi! An siem laik ou unu kech fish, mi wi tiich unu ou fi kech piipl an mek dem ton mi falara.”

Luuk 5:10

Tuu a Saiman brejrin dem we did fraitn tu, a Jiemz an Jan, Zebidii bwai dem. Den Jiizas se tu Saiman, “No fried, fram nou aan, yu naa go kech fish, yu a-go kech piipl.”

Jan 15:2

Im brok aaf aafa mi aal a di lim dem we no bier fruut. An im chrim op di lim dem we bier fruut so dat dem kyan bier muo.

Jan 15:6

Ef sumadi no tan pan mi, dem komiin laka di lim dem we get fling we an den jrai op. Piipl pik op dem lim de, fling dem iina faiya an bon dem op.

Aks 20:30

An di taim a-go kom wen iivn som a unu uona piipl a-go tiich som torbl sitn we go gens di chuut fi get som a unu fi fala dem.

1 Korintiyan 11:19

Mi no fraitn fi ier se unu plit op iina gruup kaaz a so wi a-go nuo uu Gad riili api wid.

2 Korintiyan 11:26

Nof taim wen mi a chravl, mi aalmuos ded. Riva nieli tek mi laif. Tiif chrai kil mi. Mi uona piipl di Juu dem an aal piipl we a no Juu chrai fi kil mi tu. Mi no sief iina di siti. Mi no sief iina di dezot. Mi de a sii, mi aalmuos ded. Mi aal av piipl we gwaan laik dem a mi breda, bot a kil dem waahn fi kil mi.

Gyalieshan 2:4

Mi did taak tu di liida dem wan kaaz yu av som piipl we gwaan laik se dem a fala Gad an a siniik kom iin mongks Gad piipl, so dat dem kyan wach dem. Jiizas frii wi kaaz wi an im kluos. So dem a wach wi kaaz wi no afi fala di Juu dem Laa. Dem waahn wi fi fala da Laa de laik se wi a sliev.

Revilieshan 3:1

An im se tu mi agen se, “Rait da leta ya go gi di liida fi di choch we iina Saadis an tel im se: Di wan we av Gad Uoli Spirit an we uol di sevn staar dem se, mi nuo evriting bout unu. Piipl tingk se unu a fala mi, bot unu riili naa fala mi at aal.