Matyu 13:30 - Di Jamiekan Nyuu Testiment

³⁰ Mek di tuu a dem gruo til a taim fi gyada we plaant op. Wen da taim de kom mi wi tel di wokman dem fi gyada op di wiid an tai dem iina wan bonggl fi bon. Bot di wiit dem, dem a-go gyada dem op an put dem iina mi bochri.’ ”

Matyu 13:30 ပူးပေါင်းရင်းမြစ်များ

Matyu 13:25

Bot wen evribadi a sliip, wan a im enimi dem kom kom plaant op wiid mongks im wiit dem an go we.

Matyu 13:29

“Bot im se, ‘Nuo, kaa yu mait de de a pap out wiid an go ruut op di wiit dem tu.’

Matyu 25:32

Evribadi pan ort a-go kom tugeda infronta im, an im a-go plit op di piipl dem laik ou sumadi we tek kier a shiip, muuv di shiip dem fram wich paat di guot dem de.

Matyu 25:41

“Den di king a-go se tu aal uu de pan im lef-an-said se, ‘Gwe fram saida mi! Gwaan go bon op iina di faiya we a bliez fi eva an eva. A it Gad did fiks op fi di devl an im ienjel dem, bot im a sen unu go de tu!

Matyu 3:12

Im av im faak iina im an redi, an im a-go riek op di fluor wich paat di grien chrash out. Im a-go gyada op di grien an put it iina di bochri, bot im a-go bon op di chrash iina wan faiya we kyaahn out.”

Luuk 3:17

Im av im faak iina im an, redi fi riek op di fluor wich paat di grien chrash out. Im a-go gyada op di grien an put it iina im bochri, bot im a-go bon di chrash iina wan faiya we kyaahn out.”

Jan 15:6

Ef sumadi no tan pan mi, dem komiin laka di lim dem we get fling we an den jrai op. Piipl pik op dem lim de, fling dem iina faiya an bon dem op.

1 Korintiyan 4:5

So no bada joj nobadi til di taim rait. Wiet til di Laad kom. Aal a di rang sitn dem we piipl du an chrai fi aid, im wi mek evribadi nuo bout dem an im wi shuo wa riili de iina piipl aat. An den Gad wi big op di wan dem we du di wok we im gi dem an we du it gud.

1 Timoti 5:24

Som piipl sin yu kyan si so plien dat nobadi no iivn afi se notn fi yu nuo se dem gilti. Bot ada piipl sin no so iizi fi si, it no shuo til lieta.