Matyu 13:25 - Di Jamiekan Nyuu Testiment

²⁵ Bot wen evribadi a sliip, wan a im enimi dem kom kom plaant op wiid mongks im wiit dem an go we.

Matyu 13:25 ပူးပေါင်းရင်းမြစ်များ

Matyu 13:24

Den Jiizas mek dem ier wan neks tuori we soun laik rigl. Im se, “Gad nyuu worl, komiin laik sumadi we plaant op som gud siid pan im lan.

Matyu 13:26

Wen di plaant dem pap op an staat bier, di wiid no shuo op tu.

Matyu 13:27

“So di uona sorvant kom se tu im se, ‘Sa, yu neehn plaant gud siid iina yu fiil? Den a we dem de wiid kom fram?”

Matyu 13:29

“Bot im se, ‘Nuo, kaa yu mait de de a pap out wiid an go ruut op di wiit dem tu.’

Matyu 13:30

Mek di tuu a dem gruo til a taim fi gyada we plaant op. Wen da taim de kom mi wi tel di wokman dem fi gyada op di wiid an tai dem iina wan bonggl fi bon. Bot di wiit dem, dem a-go gyada dem op an put dem iina mi bochri.’ ”

Matyu 13:39

an di wan we plaant op di wiid dem, a di devl dat. Di taim we wi go pik, dat a taak bout di laas die, wen di worl don. An di wan dem we gyada op we did plaant op, a di ienjel dem.

Matyu 25:5

Di braidgruum did a tek lang fi kom, an sliip did staat fi uol dem dong an di uol a dem jrap a sliip.

Gyalieshan 2:4

Mi did taak tu di liida dem wan kaaz yu av som piipl we gwaan laik se dem a fala Gad an a siniik kom iin mongks Gad piipl, so dat dem kyan wach dem. Jiizas frii wi kaaz wi an im kluos. So dem a wach wi kaaz wi no afi fala di Juu dem Laa. Dem waahn wi fi fala da Laa de laik se wi a sliev.

Iibruu 12:15

Gad lov wi iivn duo wi no dizorv it, so mek shuor se nobadi no ton dem bak pan wa im du fi dem. An mek shuor se nobadi no galang laik bita ruut we gruo kom ton bita chrii. Dem piipl de wi kom kom mek chobl an brok out wan bag a piipl. Mek shuor se dat no apm.

1 Piita 5:8

Wach out! Wiek op. Unu fi get unu main redi fi akshan. Klier unu ed an staat tingk chriet. Unu enimi — di devl, im a siniik roun laik wan wikid onggri-beli laiyan, a luk sumadi fi nyam.

2 Piita 2:1

Yu did av faalz prafit we yuus tu kom tu di piipl dem iina di paas, a siem so nou faalz tiicha wi kom tu unu. Widout unu iivn si wa a gwaan, dem wi siniik iin di faalz sitn we dem tiich fi mek unu chrie. An dem aal a se Jiizas Krais, di Laad an Maasta, a no fi dem Laad, wen a im siem wan did pie fi mek dem go frii, so dat sin no av no powa uova dem. Bot bifuo dem kyan iivn bat dem yai, a el an powda ous dem a bring dong pan demself.

Revilieshan 12:9

Di powaful jragan — di uol siniek we did de bout fram wie bak wen, we dem kaal di devl, ar sietan, we chrik di uol worl fi sin gens Gad, im an im ienjel dem get fling dong a ort.

Revilieshan 13:14

Gad did lou di fos wail animal fi du som powaful sitn fi di sekan wail animal. Siek-a dem sitn de di piipl pan ort did get fuul op. Di sekan wail animal aada di piipl dem pan ort fi mek wan sitn we luk laik di wail animal we did get chap wid di suod bot we did stil liv.

Revilieshan 2:20

Bot mi stil av sitn gens unu. Unu put op wid da uman de, Jezibel, we kaal arself wan prafit. Shi yuuz di sitn dem we shi a tiich fi chrik mi sorvant dem fi tek paat iina seks sin an fi nyam fuud we dem tek bon sakrifais gi faalz gad.