Matyu 13:23 - Di Jamiekan Nyuu Testiment

²³ Bot di siid we jrap pan gud grong nou, da sumadi de ier Gad wod an andastan it. So, laik di siid we plaant pan gud grong im bier wan onjrid, siksti ar toti taim muo fruut dan wa di faama did plaant op.”

Matyu 13:23 ပူးပေါင်းရင်းမြစ်များ

Matyu 12:33

“Mek wan chrii gud, an di fruut we it bier a-go gud tu; mek wan chrii no gud, an di fruut we it bier naa go gud. Unu kyan nuo bout wan chrii siek-a di kain-a fruut we it bier.

Matyu 13:8

Bot som a di siid dem jrap pan gud grong an kom bier fuud. Som bier wan onjrid taim muo dan wa di faama did plaant, som siksti an som toti.”

Matyu 3:10

Rait ya nou di aks de a di chrii ruut. An evri wan a di chrii dem we naa bier gud fruut a-go chap dong an bon op iina faiya.

Matyu 3:8

Du di sitn dem we shuo se unu riili tap sin.

Maak 10:15

Mi a tel unu dis ya, an a chuu mi a taak, enibadi we no chos iina Gad an fala im laik wan likl pikni naa go kyan go iina Gad kindom.”

Maak 4:20

Bot som ada siid jrap pan gud grong. Dem a di piipl we ier Gad wod an tek it iin an it bier uol iip a fruut: toti, siksti ar iivn wan onjrid taim muor dan wa di faama did plaant.”

Luuk 13:9

It mait-a bier neks ier! Ef it no bier, den yu kyan chap it dong.’ ”

Luuk 8:15

Di wan dem we jrap pan gud grong, a di piipl dem uufa aat riili gud. Dem ier di wod an uol aan pan it. Aal wen aad taim kom, dem stil bier fruut.

Luuk 8:8

Som a di siid dem jrap pan gud grong. Dem gruo op an bier wan onjrid taim muo dan wa di faama did plaant.” Afta dat Jiizas shout out an se, “Enibadi we av iez fi ier — beta lisn gud!”

Jan 15:16

“A no unu pik mi, a mi pik unu an put unu wan said fi bier nof fruut — di kain-a fruut we a-go laas fi eva. Wen dat apm, mi Faada gweehn gu'unu eniting unu aks im fa kaa unu a mi falara.

Jan 8:47

Dem we bilang tu Gad ier wa Gad se. Unu kyaahn si chuu we mi a se, kaa unu no bilang tu Gad.”

Aks 16:14

Yu did av wan uman mongks dem fram Taiyataira niem Lidiya we yuus tu sel som dier porpl klaat. Shi did lov Gad so moch dat shi aalwiez a du di sitn dem we shi nuo Gad waahn ar fi du. Di Laad toch ar aat mek shi andastan an biliiv wa Paal did a se.

Aks 17:11

Di Juu dem we de a Tesalonaika did lak op dem main gens Gad mesij. Bot di wan dem we de a Beriya, dem lisn gud kaaz dem did wel waahn ier di mesij. So evridie dem luk aad aad iina Gad wod fi si ef wa Paal did a se mach op wid wa rait dong iina Gad wod.

2 Korintiyan 9:10

Nou, Gad, we gi di faama siid fi plaant an we gi piipl bred fi iit, im wi gi unu aal di siid we unu wuda niid fi plaant an im wi mek dem gruo tu. Im wi mek shuor se unu aalwiez av muor dan unu niid, so dat unu kyan aalwiez gi tu ada piipl.

Filipiyan 1:11

an dat evriting we unu du wi gud fi chuu — a onggl Krais Jiizas kyan mek unu du dem sitn de. Mi a prie fi aal a dat so dat Faada Gad wi get nof rispek an priez.

Filipiyan 4:17

A no muor moni mi a luk fram unu mek mi a se dem sitn ya, bot mi waahn unu du muor an muor gud sitn so Gad wi pie unu bak wid aal braata.

Koloshan 1:10

An a so kom unu wi kyan liv laik Gad piipl an eva du di sitn dem we wi mek im api: Unu wi du aal kain-a gud sitn, an get fi riili nuo Gad muo an muo tu.

Koloshan 1:6

Piipl did bring di Gud Nyuuz kom gi unu. An dem kyari it aal uova di worl. It a bier fruut an a gruo jos laik ou it du mongks unu fram di fos die unu ier it an andastan umoch Gad riili lov wi fi chuu, an ou im chriit wi gud iivn duo wi no dizorv it.

1 Tesaluoniyan 4:1

Nou, breda an sista, fi don wa wi did a se bifuo: wi did don tiich unu aredi ou fi liv so Gad wi api wid unu (an wi nuo se a so unu a liv). Bot, wi a aks unu, an a beg unu iina di Laad Jiizas niem fi liv so muo an muo.

2 Tesaluoniyan 2:10

Im a-go du aal kain-a wikidnis fi chrik op di piipl dem we boun fi ded, kaaz dem did ton dem bak, an neehn lov di chuut we wuda siev dem.

Iibruu 4:2

Kaaz wi did ier di Gud Nyuuz priich jos laik ou di Izrel piipl dem did ier it tu. Bot di wod we priich neehn elp dem at aal at aal kaaz dem neehn biliiv laik di res a piipl dem we did ier it.

Iibruu 6:7

Kaaz di grong we suok op di rien we faal pan it nof nof, an we mek plaant gruo an bier fuud we di faama kyan nyam — Gad bles da grong de.

Iibruu 8:10

Bot nou, afta dem die de, dis a di nyuu pramis we mi a mek wid di Izrel piipl dem, di Laad se. Mi a-go put mi laa dem iina dem ed an mi a-go rait dem dong pan dem aat. Mi a-go bi fi dem Gad, an dem a-go bi fi mi piipl dem.

2 Piita 3:18

Gwaan mek wi Laad Jiizas Krais we siev wi, lov unu an chriit unu gud, an unu fi gwaan lorn muo an muo bout im tu. Mi prie se im wi get di priez, tide, tumaro an fi eva! Iemen.

1 Jan 5:20

Wi nuo se Jiizas Krais, Gad Bwai Pikni kom an shuo wi di riil Gad. Siek-a Jiizas, wi bilang tu Gad nou — di riil Gad we mek piipl liv fi eva an eva.