Matyu 13:22 - Di Jamiekan Nyuu Testiment

²² Di wan we jrap iina makabush, a uu ier Gad wod bot im staat fret bout laif, an aal im kyan tingk bout a ou fi mek moni an get rich. Dem sitn de blak Gad wod, so it no du notn difrant iina dem laif.

Matyu 13:22 ပူးပေါင်းရင်းမြစ်များ

Matyu 12:32

Enibadi we chat bad gens di Man we Gad Pik, Gad wi paadn dem. Bot enibadi we chat bad gens di Uoli Spirit, dem naa go get paadn. Dem naa get paadn iina da laif ya ar di laif we a-go kom.

Matyu 13:39

an di wan we plaant op di wiid dem, a di devl dat. Di taim we wi go pik, dat a taak bout di laas die, wen di worl don. An di wan dem we gyada op we did plaant op, a di ienjel dem.

Matyu 13:40

“Jos laik ou di wiid a-go gyada op an get bon op, a siem ting a-go apm pan di laas die dem.

Matyu 13:7

Som ada siid jrap mongks makabush, an wen dem pap op, di makabush chuok dem.

Luuk 12:15

Den im tel dem se, “Wach out! Unu fi gyaad gens aal kain-a red yai, kaaz laif no jos bout umoch sitn wi uon.”

Luuk 12:21

“Dis a wa apm tu enibadi we siev op fi demself di sitn dem we de pan ort bot no rich iina di sitn dem we Gad kier bout.”

Luuk 21:34

“Wach out an no spen di uol a unu taim a nyam an jringk, an a fret bout laif, ar da die de a-go kriip op an kech unu laik wan chrap.

Luuk 8:14

Di wan dem we jrap iina makabush, a di piipl we ier Gad wod, bot dem staat fret bout laif an aal dem kyan tingk bout a ou fi mek moni an ou fi enjai demself. Dem mek dem sitn de chuok dem so dem no bier no raip fruut.

Aks 8:18

Wen Saiman si se piipl get di Uoli Spirit wen di apasl dem put dem an pan dem, im chrai fi bai powa fram dem.

Ruoman 12:2

No mek di piipl we de iina di worl tel unu ou fi liv. Insted-a dat mek Gad chienj di wie ou unu tingk so dat im kyan chienj di wie ou unu a liv. Da wie de unu wi nuo aal a wa Gad waahn unu fi du — unu wi nuo we rait, unu wi nuo wa mek Gad api an unu wi nuo ou im waahn unu fi liv.

1 Korintiyan 1:20

So den, wa unu tingk a-go apm tu di piipl dem we tingk se dem waiz? Wa unu tingk dat miin fi di Laa tiicha dem? Wa unu tingk dat a se bout di piipl dem we lov aagyu bout evriting? Gad no don shuo se aal a di sitn dem we dem piipl de tingk se dem nuo a fuulinish?

1 Korintiyan 2:6

Nou iivn duo mi no yuuz no big fansi wod, di piipl dem we biliiv iina Gad nof nof, dem tingk se di mesij we mi priich waiz. It no waiz kaaz a sopm we som sumaat piipl tingk op. An it no waiz kaaz di ruula dem we de bout nou an we a-go luuz dem powa an ded, tingk se it waiz.

1 Korintiyan 2:8

Non a di piipl dem we a ruul iina dem taim ya did andastan da plan de. Kaaz ef dem did andastan it dem wuda neva tek wi big an powaful Laad, an niel im op pan wan kraas kil im.

1 Korintiyan 3:18

No bada fuul unuself. Ef unu tingk unu waiz jos chuu di piipl we no biliiv iina Gad se so, mi a tel unu a beta unu ton fuul so dat unu kyan riili get waiz.

2 Korintiyan 4:4

Dem no biliiv kaaz di devl we ruul da worl ya, blain dem so dat dem kyaahn si di lait. Im blain dem so dat dem kyaahn andastan di Gud Nyuuz bout Krais Jiizas. Im mek it so dat dem kyaahn andastan se Jiizas a jos laik Gad.

Gyalieshan 1:4

Jiizas gi op im laif fi siev wi fram wi sin dem an fi frii wi fram aal a di wikid sitn dem we a apm nou. A dat Faada Gad did waahn im fi du an so a dat im du.

Ifiijan 2:2

Dem taim de unu yuus tu du di wikid sitn dem we di worliyan dem du. Unu yuus tu fala di wan we ruul an av powa iina di skai, di spirit we a wok iina di piipl dem we ton we fram wa Gad waahn dem fi du.

1 Timoti 6:17

Waan di rich piipl dem se dem no fi gwaan laik dem beta dan enibadi els jos chuu dem av moni. Dem no fi put dem chos iina moni niida kaaz moni kom an moni go. Wa dem fi du a put dem chos iina Gad kaaz im wi gi wi aal we wi niid fi liv api.

2 Timoti 4:10

Kaaz Diimas gaan lef mi an gaan dong a Tesalonaika, kaaz im lov da worl ya. Kresens gaan a Gyaliesha an Taitos gaan a Dalmatiya.