Matyu 13:21 - Di Jamiekan Nyuu Testiment

²¹ Bot siem laik di plaant uufa ruut no go dong diip iina di grong, im no mek Gad wod go diip iina im aat, so im no laas no taim. Bot wen tof taim lik im siek-a Gad wod, im gi op an ton bak siem taim — siem laik ou di plaant jrai op an ded.

Matyu 13:21 ပူးပေါင်းရင်းမြစ်များ

Matyu 10:22

An evribadi a-go iet unu kaaz unu fala mi. Bot enibadi we uol aan tait an tan op chrang til di sofarieshan don, Gad a-go siev dem piipl de.

Matyu 11:6

Gad bles di piipl dem we no tap chos iina mi jos kaa mi no gwaan ou dem tingk di wan we dem a wiet pan fi gwaan.”

Matyu 13:20

Di siid we jrap wich paat bier rakstuon de, a di sumadi we ier di wod an glad fi it siem taim.

Matyu 13:57

An so dem did beks an neehn waahn diil wid Jiizas non at aal. Bot Jiizas se tu dem se, “Piipl eva rispek an big op prafit yu no, onggl di piipl dem we im baan an gruo mongks an uu im liv wid no shuo im da rispek de.”

Matyu 13:6

Wen di son kom op it skaach op di plaant dem, an, chuu dem ruut neehn lang inof, dem jrai op an ded.

Matyu 24:13

Bot aal uu eng aan an tan op chrang no mata wa, a dem a-go get siev.

Matyu 26:31

Den Jiizas se tu dem se, “Tinait, tinait, di uol a unu a-go ron we lef mi siek-a wa a-go apm tu mi, kaa it rait dong iina Gad wod se: “‘Mi a-go lik dong di shepad, an aal a di shiip dem a-go ron aal bout di plies.’

Matyu 26:33

Piita se, “Aal ef di uol a dem ron we gaan siek-a wa a-go apm tu yu, mi naa go no we!”

Maak 4:17

Bot siem laik di plaant uufa ruut no go dong diip iina di grong, dem no mek Gad wod go diip iina dem aat, so dem no laas no taim. Wen tof taim lik dem siek-a Gad wod, dem gi op an ton bak siem taim — siem laik ou di plaant jrai op an ded.

Luuk 8:13

Di siid dem we jrap pan di grong we bier rakstuon de, a piipl we glad fi Gad wod, biliiv Gad wod fi likl bit, bot siem laik di plaant dem uufa ruut no go dong diip iina di grong, dem no mek Gad wod go diip iina dem aat. Dem biliiv fi likl bit, bot wen taim kom fi dem get tes, dem ton bak — siem laik ou di plaant jrai op an ded.

Jan 6:26

So, Jiizas ansa dem an se, “Mi a-go tel unu sitn we chuu chuu: unu naa luk fi mi chuu unu si di big an powaful mirikl dem we unu si mi du. Nuo! Unu de luk fi mi kaa unu get fuud fi nyam unu beli ful.

Ruoman 2:7

Yu av som piipl we a liv rait an we aalwiez a du gud fi ada piipl. Dem piipl de waahn Gad fi taak gud bout dem. Dem waahn im fi big dem op an mek dem liv fi eva. An a dem de piipl de Gad a-go mek liv fi eva an eva.

Gyalieshan 5:6

Kaaz wen yu an Jiizas a wan it no mata ef yu sorkomsaiz ar yu no sorkomsaiz. Di onggl ting wa mata a dat yu chos iina im. An yu shuo se yu chos iina im wen yu shuo lov.

Gyalieshan 6:12

Di wan dem we a chrai fuos unu fi get sorkomsaiz, dem jos waahn fi brag an buos bout demself. Dem a push unu fi get sorkomsaiz so dat dem no sofa. Kaaz dem wuda a sofa ef dem did a tel piipl bout ou Jiizas ded pan di kraas fi siev dem.

Gyalieshan 6:15

A no notn ef yu sorkomsaiz ar yu no sorkomsaiz; di onggl ting we mata a se Gad tek yu an ton yu iina wan nyuu sumadi.

Ifiijan 3:17

Chuu unu chos iina Krais Jiizas, mi prie se im wi liv iina unu aat. Unu tan chrang iina Gad lov jos laik ou chrii tan op chrang wen dem ruut gaan dong diip iina di grong. Siek-a dat,

Filipiyan 1:6

So mi nuo dis fi shuor se a Gad imself staat op da gud wok ya iina unu, an im naa go tap nou. Im a-go gwaan du we im a du iina unu laif, til Jiizas Krais kom baka ort.

2 Timoti 1:15

Yu nuo se evribadi roun a Iezha said ton dem bak pan mi, aal di wan Fijilos an di wan Ormajinis.

2 Timoti 4:10

Kaaz Diimas gaan lef mi an gaan dong a Tesalonaika, kaaz im lov da worl ya. Kresens gaan a Gyaliesha an Taitos gaan a Dalmatiya.

Jiemz 3:2

Aal a wi du rang sitn nof taim. Bot ef sumadi neva se notn rang yet dem no av no sin at aal. Kaaz ef nobadi kyan kanchuol dem tong dem kyan kanchuol dem uol badi tu.

1 Piita 1:5

Di siem wie Gad tek kier a dem, a siem so im powa a-go kip unu sief tu, kaaz unu chos iina im. Im a-go kip unu sief an siev unu iina evri wie, an a pan di laas die unu a-go si aal a dat.

Revilieshan 2:13

‘Mi nuo we unu liv. Unu liv we Sietan av im chuon bot unu stil biliiv iina mi. Unu neva ton we fram di chuut, iivn iina di taim wen dem kil mi sorvant, Antipas, iina di toun we Sietan ruul.