Matyu 12:7 - Di Jamiekan Nyuu Testiment

⁷ Ef unu did nuo wa dis ya miin: ‘Mi waahn piipl fi gud an kain tu piipl, no fi piipl kom kom bon sakrifais gi mi,’ unu wudn rait aaf piipl we no du notn rang an gwaan laik se dem a sina.

Matyu 12:7 ပူးပေါင်းရင်းမြစ်များ

Matyu 9:13

Gwaan go fain out a wa dis miin: ‘Mi waahn piipl fi gud an kain tu piipl, no fi dem kom kom bon sakrifais gi mi.’ Kaaz mi neehn kom ya fi tel piipl we du rait fi ton fram dem rang, a piipl we du rang mi kom ya fa.”

Aks 13:27

Bot di piipl dem we liv iina Jeruusilem an dem ruula dem neva andastan se Jiizas a di wan we did kom fi siev dem. Di sitn dem we di prafit rait an we di piipl an dem liida dem riid bout iina dem choch evri Sabat, dem mek aal a dem sitn de kom chuu wen dem ton dem bak pan Jiizas an sen im fi go ded.

Matyu 22:29

So Jiizas se tu dem se, “Unu a se ded piipl naa kom bak alaiv — bwai unu rang, kaa unu no nuo we Gad wod se, an unu no nuo Gad powa.

Jiemz 5:6

Unu mek joj rait aaf piipl we no du notn rang se dem gilti, an morda dem. An dem kudn iivn tan op fi demself gens unu.

Maak 12:33

An yu rait fi se di muos impuotant Laa a fi lov im wid aal yu aat, wid aal a yu main an wid aal a yu chrent, an yu fi lov yu nieba siem laik ou yu lov yuself. Yu rait fi se dem tuu laa de muo impuotant dan wen sumadi bon sakrifais gi Gad ar gi op aafrin.”