Matyu 12:50 - Di Jamiekan Nyuu Testiment

⁵⁰ Kaaz enibadi we du wa mi Faada iina evn waahn dem fi du, a dem a mi breda, sista an mada.”

Matyu 12:50 ပူးပေါင်းရင်းမြစ်များ

Matyu 12:49

Im paint pan im falara dem an se, “Si mi mada an mi breda dem ya!

Matyu 13:1

Pan da siem die de afta Jiizas lef di yaad, im go a di liek-said go sidong.

Matyu 17:5

Luk ya no, siem taim Piita a chat, wan brait kloud kom dong kom kova dem op, an wan vais iina di kloud se, “Dis a fi mi Bwai Pikni, mi lov im, an im mek mi api. Unu fi lisn we im se!”

Matyu 25:40

“An di king a-go ansa bak, ‘Mi tel unu dis, an a chuu mi a taak, di taim dem wen unu weehn du dem sitn de fi wan a mi breda an sista dem we piipl se no wot notn, a laik se a mi unu did dwi'it fa.’

Matyu 25:45

“Den im a-go ansa bak, ‘Mi tel unu dis an a chuu mi a taak, di siem wie unu neehn du dem sitn de fi wan a mi breda an sista dem we piipl se no wot notn, a siem so unu neehn du dem fi mi, kaa a laik a mi unu neehn elp wen unu neva elp dem.’

Matyu 28:10

Den Jiizas se tu dem se, “No fried. Gwaan go tel mi breda dem se dem kyan go a Gyalalii. Dem wi si mi de.”

Maak 3:35

Enibadi we du wa Gad se dem fi du a mi breda, sista, an mada dat.”

Luuk 8:21

Jiizas se tu di kroud se, “Fi mi mada an breda, a enibadi we ier Gad wod an du we im se dem fi du.”

Jan 15:14

Ef unu du wa mi tel unu fi du den mi an unu a fren.

Jan 20:17

Jiizas se, “No uol aan pan mi, kaa mi no gaan baka mi Faada yet. Go tel yu breda dem se mi se, ‘Mi a go baka mi Faada an fi unu Faada, mi a go baka mi Gad an fi unu Gad.’”

Jan 6:29

Jiizas ansa dem an se, “A dis Gad waahn unu fi du: im waahn unu fi chos iina di wan we im sen kom.”

Jan 6:40

Kaa mi Faada waahn evribadi we si di Bwai Pikni fi uu im riili bi an we chos iina im fi liv fi eva, an a mi a-go mek dem kom bak alaiv pan di laas die.”

Aks 17:30

So fos taim wen piipl neva nuo Gad, im neva ponish dem. Bot nou im a aada evribadi evriwe fi ton we fram dem sin an beg Gad paadn,

Aks 26:20

So di fos plies mi priich a Damaskos. Afta dat mi priich iina Jeruusilem an aal uova Judiya. Mi priich tu di piipl we a no Juu tu. Mi tel dem fi ton we fram dem sin an ton tu Gad an fi du di sitn dem we shuo se dem riili sari bout dem sin.

Ruoman 8:29

Kaaz di piipl we Gad pik iivn bifuo im mek di worl, im maak dem. Im maak dem fi ton laik im Bwai Pikni, so dat im Bwai Pikni wuda bi di fos outa aal a im pikni dem.

1 Korintiyan 9:5

Wi no av di rait fi tek uman we biliiv iina Gad an mek dem wi waif, an kyari dem roun wid wi, jos laik di ada apasl dem, di Laad breda an Siifas?

2 Korintiyan 11:2

Mi wori bout unu siem laik ou Gad wori bout unu. Siem laik ou wan faada wi tek im gyal pikni we neva sliip wid nobadi yet an pramis fi marid ar tu wan man, a siem so mi did tek unu an pramis fi marid unu tu Krais Jiizas.

Gyalieshan 5:6

Kaaz wen yu an Jiizas a wan it no mata ef yu sorkomsaiz ar yu no sorkomsaiz. Di onggl ting wa mata a dat yu chos iina im. An yu shuo se yu chos iina im wen yu shuo lov.

Gyalieshan 6:15

A no notn ef yu sorkomsaiz ar yu no sorkomsaiz; di onggl ting we mata a se Gad tek yu an ton yu iina wan nyuu sumadi.

Koloshan 3:11

Siek-a dat, wi no av Juu piipl difrant fram piipl we a no Juu. Wi no av piipl we sorkomsaiz difrant fram di wan dem we no sorkomsaiz. Wi no kaal nobadi wail, farina piipl, an wi no av sliev difrant fram piipl we frii. Kaaz rait ya nou, Krais Jiizas a aal wi bizniz bout, an im iina aal a wi we a liv da nyuu laif ya.

1 Timoti 5:2

Di uol uman dem, yu fi taak tu dem laik ou yu wuda taak tu yu mada an di yongga uman dem taak tu dem laik dem a yu sista. Du dis wid wan kliin aat.

Iibruu 5:9

An nou dat im go chuu aal a dat, an kom ton aal a we im sopuoz fi bi, im en op ton di wan we siev piipl fi eva, so langks dem du wa im tel dem fi du.

1 Piita 4:2

Fram nou aan den, da sumadi de no fi spen di res a dem laif pan da ort ya a du aal kain-a sitn we no av notn fi du wid Gad laka wan taim, kaaz a dat dem mait-a waahn fi du. Nuo, dem fi liv ou Gad waahn dem fi liv.

1 Jan 2:17

Di worl an aal a di wikid sitn dem iina it a go we bot aal a di piipl dem we du we Gad waahn dem fi du wi liv fi eva.

Revilieshan 22:14

“Di wan dem we wash dem lang jakit a dem api, kaaz a dem a-go get di rait fi go iina di siti an fi iit fruut fram di chrii we gi laif.