Matyu 12:46 - Di Jamiekan Nyuu Testiment

⁴⁶ Wen Jiizas did de de a chat tu di kroud a piipl dem, im mada an breda dem kom tan op outsaid a aks fi chat tu im.

Matyu 12:46 ပူးပေါင်းရင်းမြစ်များ

Matyu 13:55

“Wiet! No di kyaapinta bwai dis? No Mieri im mada niem? An im breda dem a no Jiemz, Juozif, Saiman an Juudas?

Jan 2:12

Afta di wedn, im, im mada, im breda dem an im falara dem go a Kyaporniyom, an dem tan de fi kopl die.

Jan 7:5

(Kaa no iivn im uona breda dem did biliiv iina im.)

Jan 7:3

Jiizas breda dem se tu im, “Muuv out fram ya-so no, an go a Judiya so yu falara dem kyan si di big an powaful sitn dem we yu kyan du.

Aks 1:14

Di uol a dem did eva a miit tugeda fi prie: dem, di uman dem, Mieri, Jiizas mada, an Jiizas breda dem.

Maak 6:3

A uu im, no di kyaapinta dis? No Mieri bwai? An wi no nuo im breda dem: Jiemz, Juozif, Juudas an Saiman? An im sista dem no liv ya wid wi?” An so dem did beks an neehn waahn diil wid Jiizas non at aal.

Gyalieshan 1:19

Wen mi de de mi si Jiemz, di Laad breda, bot mi neva si non a di ada apasl dem.

1 Korintiyan 9:5

Wi no av di rait fi tek uman we biliiv iina Gad an mek dem wi waif, an kyari dem roun wid wi, jos laik di ada apasl dem, di Laad breda an Siifas?

Jan 7:10

Afta im breda dem lef fi go tek paat iina di Ot Alidie a Judiya, Jiizas go op de tu, bot im go anda di kwaiyat, so nobadi kuda si im.

Luuk 2:48

Wen Jiizas mada an faada si im, dem shak. Im mada se tu im se, “Si ya! Bwai, mek yu du wi so? Mi an yu faada did a luk fi yu ou lang!”

Luuk 8:10

Jiizas se tu dem se, “Unu get fi andastan di siikrit sopm dem bout Gad kindom, bot fi ada piipl, mi mek wa mi se soun laik rigl. So dat, “ ‘Iivn duo dem kyan si, dem naa si; an iivn duo dem kyan ier, dem naa andastan.’

Maak 2:21

“Nobadi no yuuz piis a nyuu klaat fi pach op uol kluoz. Ef dem du dat, wen dem wash di kluoz, di nyuu klaat a-go tier we fram di uol wan an lef wan biga uol dan wa did de de bifuo.

Jan 2:5

So im mada tel di sorvant dem we did de de se, “Eniting im tel unu fi du, dwi'it.”

Luuk 2:33

Juozif an Mieri kudn biliiv we Simiyan se bout dem pikni.

Jan 2:1

Tuu die afta dat apm, yu did av wan wedn a wan toun niem Kiena. Kiena did de iina Gyalalii. Jiizas mada did de a di wedn,

Luuk 2:51

Afta dat Jiizas go bak uom a Nazaret wid dem an im du evriting dem tel im fi du. An im mada kip aal a dem sitn de iina ar aat.

Matyu 2:20

Di ienjel se, “Git op, tek di pikni an im mada an gwaan a Izrel, kaa uu did a chrai fi kil di pikni, dem ded.”

Matyu 2:11

Dem kom iina di ous an si di pikni wid im mada, Mieri, an dem go dong pan dem nii an priez im. Dem tek out di prezent we dem did bring, an gi di pikni — guol, frangkinsens an mor.

Matyu 1:18

Dis a ou Jiizas Krais did baan. Im mada Mieri did jos ingiej fi marid Juozif, dem neehn kom liv tugeda yet laik ozban an waif, bot dem fain se shi did av biebi iina beli, an a di Uoli Spirit did put di biebi de.

Jan 19:25

Jiizas mada did a tan op saida im kraas. Ar sista did de de tu, plos yu did av Mieri, Kluopas waif, an Mieri Magdaliin.

Luuk 1:43

Ou mi bles so, dat di mada a mi Laad kom luk fi mi?

Matyu 12:47

So sumadi se tu Jiizas se, “Oi de, yu mada an breda dem tan op outa duor. Dem waahn chat tu yu.”

Luuk 2:34

Simiyan bles dem an tel Mieri se, “Dis ya pikni ya baan fi bring dong jojment an fi bles uol iip a piipl iina Izrel tu. Im a-go bi wan sain fram Gad bot piipl a-go fait gens im.