Matyu 12:45 - Di Jamiekan Nyuu Testiment

⁴⁵ Den di wikid spirit go we go bring bak sevn muo spirit we wosa dan it an di uol a dem go iin de go liv. So nou, da sumadi de wosaraaf dan bifuo. A siem so it a-go go fi di wikid set a piipl dem fram da taim ya!”

Matyu 12:45 ပူးပေါင်းရင်းမြစ်များ

Matyu 12:24

Bot wen di Farisii piipl dem ier dis, ier dem no, “Im kyaahn ron out no diiman ef a no Belzibul, di diiman ruula, gi im powa fi ron dem out.”

Matyu 12:44

Den it se, ‘Mi a ton bak go a di ous we mi lef.’ Wen it kech bak de-so, it fain se di ous emti. Di ous swiip kliin an evriting niit an taidi.

Matyu 23:15

“Mi se di Laa tiicha an Farisii piipl dem chobl fu'unu! Unu ipokrit unu! Unu kraas uova lan an sii fi chrai chienj wan sumadi fi go fu'unu wie, an wen da wan sumadi de staat worship Gad fu'unu wie, unu mek dem fit fi go el tuu taim muo dan unu!

Matyu 23:24

Unu blain no bat, bout unu a liid piipl! Unu chrien out evriting we unu jringk fi mek shuor se no iivn wan lili flai no iin de, bot unu siem wan swala wan uol-a kyamil an no iivn nuo!

Maak 16:9

Afta Jiizas kom bak alaiv pan di fos die a di wiik, di fos sumadi we im mek si im a Mieri Magdaliin, di uman we im did ron sevn diiman outa.

Maak 5:9

So Jiizas aks im se, “Wa yu niem?” An im ansa bak, “Mi niem ‘Uol-iip’, kaaz a nof a wi de ya.”

Luuk 11:26

Di diiman si dat, an go fain sevn muor spirit we wosa dan im an di uol a dem go liv de. Iina di lang ron, di man a-go wosa aaf dan bifuo.”

Ifiijan 6:12

Kaaz wi iina wan fait, bot a no naamal sumadi wi a fait gens. Nuo! Wi a fait gens som wikid spirit iina di skai we av di powa an di rait fi ruul iina da taim ya we daak laik nait.

Iibruu 10:39

Bot wi a no non a dem piipl de we ton bak an en op get laas, mash op an dem sitn de. Nuo sa! Wi a wan a dem piipl de we chos iina Gad an so im a siev wi suol.