Matyu 12:42 - Di Jamiekan Nyuu Testiment

⁴² Di kwiin we kom fram Shiiba iina di sout, shi a-go kom bak alaiv wid di piipl dem fram da taim ya an shuo se dem rang, kaa shi did kom fram faar faar jos fi ier di waiz sitn dem we Salaman did av fi se. An nou, sitn we biga dan Salaman de rait ya-so.

Matyu 12:42 ပူးပေါင်းရင်းမြစ်များ

Jan 1:14

Nou, di wan we a di Wod ton man, im kom kom liv mongks wi, an wi si ou im big an powaful. Im a Faada Gad wan an onggl dege-dege Bwai Pikni. Faada Gad sen im kom an a di Faada mek im so big an powaful. Di Bwai Pikni shuo wi nof nof lov iivn duo wi no dizorv it, an a bier chuu sitn im shuo wi bout Gad.

Matyu 17:5

Luk ya no, siem taim Piita a chat, wan brait kloud kom dong kom kova dem op, an wan vais iina di kloud se, “Dis a fi mi Bwai Pikni, mi lov im, an im mek mi api. Unu fi lisn we im se!”

Jan 1:18

Nobadi neva eva si Gad yet. Di onggl sumadi we eva si im a di wan dege-dege Bwai Pikni, we a Gad imself. Im wel kluos tu di Faada, an a im mek wi nuo wa di Faada komiin laik.

Matyu 3:17

An wan vais fram evn se, “Dis a mi wan dege-dege Bwai Pikni, mi lov im, an im mek mi aat glad.”

Matyu 12:41

Di piipl fram Ninive, a-go tan op pan jojment die wid di piipl dem fram da taim ya an shuo dem se dem rang. Kaaz di Ninive piipl dem did sari fi di rang we dem du an chienj dem wiez wen Juona did kom priich tu dem. An nou, sitn we biga dan Juona de rait ya-so.

Matyu 12:6

Ier mi no, sopm we muo impuotant dan Gad ous de ya.