Matyu 12:41 - Di Jamiekan Nyuu Testiment

⁴¹ Di piipl fram Ninive, a-go tan op pan jojment die wid di piipl dem fram da taim ya an shuo dem se dem rang. Kaaz di Ninive piipl dem did sari fi di rang we dem du an chienj dem wiez wen Juona did kom priich tu dem. An nou, sitn we biga dan Juona de rait ya-so.

Matyu 12:41 ပူးပေါင်းရင်းမြစ်များ

Matyu 12:39

Bot Jiizas ansa dem se, “Di piipl dem iina da taim ya, a wan wikid set a piipl. Dem aks fi wan sain we wuda pruuv se a Gad sen mi. Dem naa get non! Di onggl sain dem a-go get a sopm laik wa did apm wid Juona di prafit.

Matyu 12:42

Di kwiin we kom fram Shiiba iina di sout, shi a-go kom bak alaiv wid di piipl dem fram da taim ya an shuo se dem rang, kaa shi did kom fram faar faar jos fi ier di waiz sitn dem we Salaman did av fi se. An nou, sitn we biga dan Salaman de rait ya-so.

Matyu 12:45

Den di wikid spirit go we go bring bak sevn muo spirit we wosa dan it an di uol a dem go iin de go liv. So nou, da sumadi de wosaraaf dan bifuo. A siem so it a-go go fi di wikid set a piipl dem fram da taim ya!”

Matyu 12:6

Ier mi no, sopm we muo impuotant dan Gad ous de ya.

Matyu 16:4

Di piipl dem iina da taim ya, a wan wikid set a piipl. Dem aks fi wan sain we wuda pruuv se a Gad sen mi. Dem naa get non! Di onggl sain dem a-go get a sopm laik we did apm wid Juona.” Den Jiizas lef dem an go we.

Matyu 17:17

Jiizas se, “Unu piipl we liv iina da taim ya! Unu no biliiv an unu no du we unu fi du. Umoch langga mi afi tan ya wid unu? Umoch langga mi afi put op wid unu? Kyari di bwai kom tu mi.”

Matyu 23:36

A tel unu dis ya, an a chuu mi a taak, da set a piipl ya, we a liv iina da taim ya, a unu a-go pie fi aal a dem sitn ya!

Luuk 11:32

Di piipl fram Ninive, a-go tan op pan jojment die wid di piipl dem fram da taim ya an shuo dem se dem rang. Kaaz wen Juona did waan di Ninive piipl, dem did sari fi we dem du an chienj dem wiez. Bot luk ya, sumadi we biga dan Juona de rait ya-so.

Jan 3:31

“Di sumadi we kom fram op a tap, biga an beta dan evribadi. Di sumadi we kom fram ort bilang tu di ort, an im taak bout wa gwaan pan di ort. Di sumadi we kom fram op a tap, biga an beta dan evribadi.

Jan 4:12

Yu biga dan wi faada Jiekob we gi wi da wel ya, an we aal jringk waata fram outa it — im, im Bwai Pikni dem an im animal dem?”

Ruoman 2:27

An unu we sorkomsaiz an nuo di Laa bot a brok it, unu no tingk se di piipl dem we no sorkomsaiz bot a fala di Laa naa go joj unu?

Iibruu 11:7

Afta Gad waan Nowa bout di sitn dem we Nowa kudn si yet, a kaaz Nowa chos iina Gad an av nof nof rispek fi im mek im lisn we Gad se an go bil wan big buot fi siev im fambili. Kaaz Nowa did chos iina Gad so, im kot aaf imself fram di piipl dem iina di worl an shuo se dem rang kaa dem no chos iina Gad. Gad se, “Nowa a sumadi we du wa rait” kaaz Nowa chos iina im.