Matyu 12:28 - Di Jamiekan Nyuu Testiment

²⁸ Bot ef a Gad gi mi powa fi ron out diiman, dat miin se Gad a ruul mongks unu aredi.

Matyu 12:28 ပူးပေါင်းရင်းမြစ်များ

Matyu 12:18

“Si mi sorvant ya we mi pik, di wan we mi lov, di wan we mek mi api so til. Mi a-go gi'im mi Spirit, an im a-go mek evribadi, aal di piipl dem we a no Juu, nuo se Gad a-go joj dem fier.

Matyu 12:29

“Ou sumadi fi go iina wan chrang man ous an tiif im sitn dem ef dem no tai im op fos? Wen dem tai im op, a da taim de dem kyan tek we evriting.

Matyu 21:31

“So tel mi, wich wan a dem du wa im faada waahn?” Dem se, “Di fos wan.” So Jiizas se tu dem se, “Mi tel unu dis, an a chuu mi a taak, taks kalekta an seks woka a-go go iina Gad kindom bifuo unu!

Matyu 21:43

“A dat mek mi tel unu se Gad kindom a-go tek we fram unu an gi di piipl dem we a-go bier fruut.

Matyu 4:24

So piipl staat ier bout im muo an muo aal roun Siriya, an dem kyari aal saat a piipl kom we sik iina dis ya wie ar dat de wie. Dem kyari piipl we pien op an a sofa fram aal saat a kraasiz, an aal uu did a sofa fram sitn we mek dem kech fits dem kyari dem kom tu. Dem kyari piipl we kyaahn waak, piipl we av diiman iina dem, an Jiizas get di uol a dem beta.

Matyu 6:33

Muo dan notn els, wa unu fi du, a put unu main pan Gad kindom an du wa im waahn unu fi du; wen unu du dat, aal a dem sitn de, unu wi get dem.

Maak 1:15

Im se, “A taim nou! Gad suun ruul iina evri wie! Ton we fram unu sin an ton tu Gad an biliiv di gud nyuuz!”

Maak 11:10

“Gad bles di wan we a kom fi ruul iina wi Faada Dievid kindom!” “Priez Gad we de a evn!”

Maak 16:17

Di wan dem we biliiv a-go get powa fi du dem sitn ya: dem wi yuuz fi mi niem an ron out diiman, dem wi taak som nyuu langwij,

Luuk 10:11

‘Wi a waip aaf di dos aafa wi fut fi shuo unu se Gad no api wid unu — im a-go joj unu. Bot memba se Gad kindom kom wich paat unu de.’

Luuk 11:20

Bot ef a Gad gi mi powa fi ron out diiman, dat miin se Gad a ruul mongks unu aredi.

Luuk 16:16

“Bifuo Jan kom piipl did afi fala Muoziz Laa an wa di prafit dem rait dong. Bot sins im kom an di gud nyuuz bout Gad kindom a priich siem wie, evribadi a fait fi get iin de.

Luuk 9:2

Im sen dem out fi tel piipl bout Gad kindom an fi kyuor di sik.

Aks 10:38

Unu nuo ou Gad did gi Jiizas we kom fram Nazaret im Uoli Spirit an powa. Jiizas go aal bout a du gud sitn, an aal a di piipl we di devl did kanchuol, Jiizas frii dem kaaz Gad did de wid im.

Ruoman 14:17

Kaaz Gad Kindom no av notn fi du wid wa piipl iit an jringk ar we dem no iit an jringk. Gad kindom a bout ou piipl liv; ef dem a liv rait, ef dem av piis iina dem aat, an ef dem aat api — an aal a dem sitn de kom fram di Uoli Spirit.

Koloshan 1:13

Daaknis did ruul uova wi, an Gad kom siev wi fram di daaknis an bring wi wich paat im Bwai Pikni a-go ruul uova wi — im Bwai Pikni we im lov,

Iibruu 12:28

So laik ou Gad a gi wi di rait fi ruul wid im, an dat a sitn we kyaahn shiek op, mek wi gi Gad tangks an yuuz dis an worship im iina wan wie we wi mek im api. Mek wi rispek im big taim.

1 Jan 3:8

Enibadi we sin bilang tu di devl, kaaz fram di worl staat di devl a sin. A dat mek Gad Bwai Pikni kom iina di worl, fi mash op di devl wok.