Matyu 12:25 - Di Jamiekan Nyuu Testiment

²⁵ Nou, Jiizas did nuo wa de iina dem main, so im se tu dem se, “It no mata wich kindom, ef di piipl dem we liv iin de a fait gens dem wan aneda, it naa go laas. An no toun ar fambili we av piipl a fait gens dem wan aneda kyan tan op chrang.

Matyu 12:25 ပူးပေါင်းရင်းမြစ်များ

Matyu 9:4

Jiizas did si wa dem a tingk se, so im se tu dem se, “Wa mek unu tingk dem wikid sitn de iina unu aat?

Maak 2:8

Bot siem taim Jiizas pik op iina im spirit wa dem did a tingk. So im se tu dem se, “Wa mek unu a tingk dem sitn de iina unu aat?

Jan 21:17

Fi di tord taim Jiizas aks im se, “Saiman, Jan bwai pikni, yu lov mi?” Piita did fiil a wie, kaaz a chrii taim nou Jiizas aks se, “Yu lov mi?” So im se, “Laad, yu nuo evriting. Yu nuo se mi lov yu.” Den Jiizas se tu im se, “Fiid mi shiip dem.

1 Korintiyan 2:11

Wich wan a unu kyan tel we sumadi els a tingk? Jos laik ou a onggl fi wi spirit nuo we wi a tingk bout, a siem so a onggl Gad Spirit nuo we im a tingk bout.

Gyalieshan 5:15

Bot ef unu kip aan a bait an chaa op chaa op unu wan aneda laik unu a wail animal, unu beta wach out, kaaz unu a-go mash op unu wan aneda.

Iibruu 4:13

No iivn wan sitn kyan aid fram Gad! Bot evriting uopm op an im kyan si di uol a dem, an a im wi afi go ansa tu bout evriting we wi du.

Revilieshan 16:19

Di ortkwiek plit op di powaful siti iina chrii paat, an aal a di siti iina aal di konchri dem iina di worl mash op. Gad memba Babilan, di powaful siti. Im joj ar, an fuos ar fi jringk di wain we did iina di kop we shuo se Gad did wel beks.

Revilieshan 2:23

Mi a-go kil aaf ar falara dem. Den aal a di choch dem wi fain out se a mi a di wan we sorch out evribadi main an aat. An fi aal we unu a du, mi a-go pie unu bak wa unu fi get.