Matyu 12:20 - Di Jamiekan Nyuu Testiment

²⁰ Jos laik ou im wuda neva pap out piis a graas we evribadi kom tep tep op pan, ar out wan lamp we bieli a lait op, im naa go rof op piipl we wiik an ort di wan dem we no chrang. An im a-go gwaan til im mek piipl si se mi kyan siev dem.

Matyu 12:20 ပူးပေါင်းရင်းမြစ်များ

Luuk 4:18

“Di Spirit a di Laad de pan mi, kaaz im pik mi out fi kyari gud nyuuz go gi puo piipl. Im sen mi fi mek di prizna dem nuo se dem a-go frii, fi mek blain piipl nuo se dem a-go si agen, fi mek piipl we a sofa nuo se dem naa go sofa fi eva.

Revilieshan 6:2

Wen mi luk mi si, wan wait aas tan op infronta mi! Di man we did a raid di wait aas did av wan buo an aro iina im an, an im did get wan kroun. An im raid outa evn go a ort laik wan suoja we fait an biit op im enimi dem aredi an a go biit dem op agen.

2 Korintiyan 2:7

Iiz im op nou, no ponish im no langga. Insted-a dat unu fi paadn im an kain tu im. Unu fi du dat so dat im no get so sad dat im gi op.

Matyu 11:28

“Aal a unu we taiyad an bordn dong unu kom tu mi an mi wi mek unu get fi res.

2 Korintiyan 2:14

Wi tangk Gad we mek wi eva a win gens di wikid sitn dem we wi fies, chuu wi an Jiizas a wan. Gad yuuz wi fi pred di Gud Nyuuz bout Jiizas aal bout, an da Gud Nyuuz de komiin laik wan swiit swiit sumel.

Matyu 11:7

Az Jan falara dem a lef so, Jiizas staat taak tu di kroud bout Jan. Im se, “Wa kain-a sumadi unu did go out iina di dezot fi si? Sumadi we kyaahn mek op im main laik taal graas we di briiz a bluo dis ya wie an dat de wie?