Matyu 12:18 - Di Jamiekan Nyuu Testiment

¹⁸ “Si mi sorvant ya we mi pik, di wan we mi lov, di wan we mek mi api so til. Mi a-go gi'im mi Spirit, an im a-go mek evribadi, aal di piipl dem we a no Juu, nuo se Gad a-go joj dem fier.

Matyu 12:18 ပူးပေါင်းရင်းမြစ်များ

Matyu 12:17

Da wie ya, wa Aizaiya di prafit did se, wuda kom chuu:

Matyu 17:5

Luk ya no, siem taim Piita a chat, wan brait kloud kom dong kom kova dem op, an wan vais iina di kloud se, “Dis a fi mi Bwai Pikni, mi lov im, an im mek mi api. Unu fi lisn we im se!”

Maak 1:11

An wan vais fram evn se, “Yu a fi mi wan dege-dege Bwai Pikni, mi lov yu an yu mek mi aat glad.”

Maak 9:7

Den wan kloud kom dong kom kova dem op an dem ier sumadi vais iina di kloud se, “A fi mi Bwai Pikni dis. Unu fi lisn wa im se!”

Luuk 23:35

Di piipl dem we tan op wan said a wach an di ruula dem did a skaan Jiizas. Dem se, “Im siev ada piipl, mek im siev imself, ef im a riili Krais.”

Luuk 3:22

an di Uoli Spirit kom dong pan Jiizas iina di shiep a wan dov. An wan vais fram evn se, “Yu a fi mi wan dege-dege bwai, mi lov yu an yu mek mi aat glad.”

Luuk 4:18

“Di Spirit a di Laad de pan mi, kaaz im pik mi out fi kyari gud nyuuz go gi puo piipl. Im sen mi fi mek di prizna dem nuo se dem a-go frii, fi mek blain piipl nuo se dem a-go si agen, fi mek piipl we a sofa nuo se dem naa go sofa fi eva.

Luuk 9:35

Den dem ier wan vais iina di kloud se, “Dis a mi bwai pikni, a im mi pik, unu fi lisn we im se.”

Jan 3:34

Kaa, di wan we Gad sen kom se aal a wa Gad tel im fi se, kaa yu si, Gad gi'im evri singgl bit a im Spirit.

Aks 10:38

Unu nuo ou Gad did gi Jiizas we kom fram Nazaret im Uoli Spirit an powa. Jiizas go aal bout a du gud sitn, an aal a di piipl we di devl did kanchuol, Jiizas frii dem kaaz Gad did de wid im.

Aks 11:18

Wen dem ier aal we Piita se dem tap aagyu wid im. Insted-a dat dem staat priez Gad an se, “So den Gad gi di piipl we a no Juu di chaans fi ton we fram dem sin an get siev so dem kyan liv fi eva an eva.”

Aks 14:27

Wen dem riich a Antiyak, Paal an Baanabas gyada op di choch piipl an tel dem evriting we Gad did gi dem powa fi du, an ou Gad gi di piipl we a no Juu di chaans fi biliiv iina im.

Ifiijan 1:6

Im du aal dem sopm ya so dat wi wuda priez im fi ou im gud an kain tu wi. An im shuo wi ou im gud an kain tu wi wen im sen Jiizas tu wi.

Koloshan 1:1

Da leta ya a fram mi, Paal. Mi a wan a Jiizas Krais Apasl dem kaaz a dat Gad did waahn. An di leta a fram breda Timoti tu.

Koloshan 1:13

Daaknis did ruul uova wi, an Gad kom siev wi fram di daaknis an bring wi wich paat im Bwai Pikni a-go ruul uova wi — im Bwai Pikni we im lov,

1 Piita 2:4

Wen unu a kom tu di Laad, a wan stuon we a liv unu a kom tu. Im a laik wan stuon we a liv we piipl did ton dem bak pan an se naa no yuus, bot wan we Gad pik an we wot uol iip tu Gad.

2 Piita 1:17

Wi did de de wen Faada Gad imself ana Jiizas big taim, wen im ier di vais fram di riil big Wan — di wan we big an powaful. Di vais se, “Dis a fi mi pikni we mi lov an im mek mi wel api.”