Matyu 12:14 - Di Jamiekan Nyuu Testiment

¹⁴ Bot di Farisii dem go we an staat plan ou dem mait-a kil Jiizas.

Matyu 12:14 ပူးပေါင်းရင်းမြစ်များ

Jan 11:53

So fram da die de, dem mek plan wid dem wan aneda fi kil Jiizas.

Jan 10:39

Den, dem chrai fi uol im an lak im op wan muo taim, bot im get we fram dem.

Jan 5:18

Chuu im go se so, dem chrai aada fi kil im, kaaz a neehn se im did onggl a brok di Sabat, bot pan tap a dat, im did a se Gad a im Faada, an da wie de, im did a put im an Gad pan di siem levl.

Luuk 6:11

Bot di Farisii an di Laa tiicha dem did beks beks an staat fi taak mongks dem wan aneda bout wa dem fi du wid Jiizas.

Maak 3:6

So siem taim di Farisii dem lef out an go staat plan wid Erad falara dem fi kil Jiizas.

Matyu 26:4

Di gruup a dem plan ou dem wuda fain som chrikifai wie an uol aan pan Jiizas so dem kuda kil im.

Jan 11:57

(Nou, di ed priis dem an di Farisii dem did gi out aada se ef nobadi fain out we Jiizas de, dem fi tel dem so dem kyan get fi lak im op.)

Matyu 27:1

Orli orli iina di maanin, aal a di ed priis an Juu elda dem miit op an mek op dem main fi kil Jiizas.

Maak 14:1

A did tuu die bifuo di Paasuova alidie an di Festival we piipl nyam bred widout yiis. Di ed priis an di Laa tiicha dem did a chrai fain wan wie fi chrik Jiizas so dem kuda ares im an kil im.

Luuk 22:2

an di ed priis an di Laa tiicha dem, did a chrai fain wan wie fi get rid a Jiizas anda di kwaiyat, kaaz dem did fried a di piipl dem.

Jan 7:30

Wen dem ier dis ya dem chrai fi grab im, bot nobadi no toch im, kaaz a neehn fi im taim fi dem kil im yet.

Jan 7:32

Di Farisii dem ier di kroud a piipl a wispa dem sitn ya bout Jiizas. So di ed priis dem an di Farisii dem sen dem we gyaad Gad ous fi lak im op.

Jan 7:44

Som a dem did waahn fi uol im fi lak im op, bot nobadi neehn put dem an pan im.

Jan 8:59

Wen dem ier dis, dem pik op rakstuon fi fling aafa im, bot im aid we an go we fram we Gad ous did de.

Jan 10:31

So di Juu liida dem pik op rakstuon fi stuon im wan neda taim,