Matyu 12:10 - Di Jamiekan Nyuu Testiment

¹⁰ Wan man did de de uufa an did shrivl op shrivl op. An som piipl aks Jiizas, “Bies pan Muoziz Laa, it aarait fi piipl get iil pan di Sabat die?” Dem aks im dat kaa dem did a luk fi wan riizn fi se im did a brok di Laa.

Matyu 12:10 ပူးပေါင်းရင်းမြစ်များ

Matyu 12:2

Bot wen di Farisii si wa a gwaan dem se tu im se, “Luk! Yu speshal falara dem a du wa di Laa se wi no fi du pan di Sabat.”

Matyu 19:3

Den, som Farisii piipl kom fi kom tes Jiizas. So dem kom kom aks im se, “Wan man kyan go brok op wid im waif fi eni an eniting? Muoziz Laa lou dat?”

Maak 3:2

Di Farisii dem wach Jiizas laik wan aak fi si ef im did a go mek di man beta pan di Sabat, so dem kuda av sopm fi se gens im.

Luuk 11:54

so dem kuda kech im an yuuz wa im se gens im.

Luuk 13:14

Di ed man fi di Juu dem choch did beks kyaahn don, kaaz Jiizas get ar beta pan di Sabat. So im se tu di piipl dem, “Siks die de iina di wiik fi wok. Kom get beta pan wan a dem de die de, no dwi'it pan di Sabat!”

Luuk 20:22

It rait fi wi pie taks tu Siiza, di Ruoman ruula, ar wi no fi pie notn?”

Luuk 23:14

an se, “Unu kyari da man ya kom tu mi an kliem se im a kaaz di piipl dem fi go gens di govament. Mi kwestiyan im infronta unu an si se im no du non a di sitn dem we unu a bliem im fa.

Luuk 23:2

Dem staat tel bier lai pan Jiizas se, “Wi kech da man ya a chrai fi mek di piipl dem go gens di govament. Im waahn wi fi tap pie taks tu Siiza di Ruoman ruula an kliem se im a Krais — bout im a King.”

Jan 5:10

So di Juu liida dem se tu di man we Jiizas mek get beta, “Tide a di Sabat, yu nuo, an di Laa no lou yu fi kyari yu mat pan da die ya.”

Jan 5:3

Uol iip a sik piipl did a lai dong iina di waak wie dem — blain piipl, piipl we kudn waak an piipl we kudn muuv at aal.

Jan 7:23

So ef wan pikni kyan get sorkomsaiz pan di Sabat fi mek shuor se Muoziz Laa no get brok, wa mek unu beks wid mi, kaa mi mek sumadi get beta pan di Sabat.

Jan 8:6

(Dem aks im dat de kaa dem did waahn fi chrik im, so dat dem kuda av sitn fi lak im op fa.) Jiizas ben dong an staat rait iina di grong wid im fingga.

Jan 9:16

Den som a di Farisii dem se, “Di man we du da sitn ya no kom fram Gad, kaa im no kip di Sabat.” Bot som ada piipl aks, “Bot a ou sina man fi du dem powaful mirikl ya?” So aal a dem neehn grii wid dem wan aneda.