Az Jan falara dem a lef so, Jiizas staat taak tu di kroud bout Jan. Im se, “Wa kain-a sumadi unu did go out iina di dezot fi si? Sumadi we kyaahn mek op im main laik taal graas we di briiz a bluo dis ya wie an dat de wie?
Ef a no dat, den a wa unu go out de fi si? Wan man jres op iina a dier kluoz? Nuo man! Piipl we jres op iina dier kluoz an liv big laif, liv iina palis.
Mi chogl an wok aad aad, nof nait mi no get no sliip. Mi did onggri an waahn sopm fi jringk an nof taim neva av no fuud fi iit. Yu did av taim wen mi kuol an no av inof kluoz fi kip mi waam.
An mi a-go gi mi tuu sorvant dem powa fi priich mi mesij fi wan touzn, tuu onjrid an siksti die. Dem a-go av aan som rof kluoz fi shuo se dem wel sad an dem aat a baal out fi di piipl dem.”