Matyu 11:5 - Di Jamiekan Nyuu Testiment

⁵ Di blain kyan si nou; kripl piipl a waak; piipl we av siknis we mek dem skin fasi-fasi, dem skin kom bak gud gud, def piipl a ier nou, ded a kom bak alaiv, an di gud nyuuz a priich tu puo piipl.

Matyu 11:5 ပူးပေါင်းရင်းမြစ်များ

Matyu 10:8

Get sik piipl beta, mek ded piipl kom bak alaiv, piipl we av siknis we mek dem skin fasi-fasi — mek dem skin get bak kliin, an ron out diiman spirit tu. Unu get tingz an unu neehn afi gi notn, nou gi an no luk fi get bak notn.

Matyu 11:4

Jiizas ansa dem se, “Go tel Jan wa unu ier an wa unu si:

Matyu 12:13

Den im se tu di man, “Chrech out yu an.” Di man chrech out im an, it get beta, an kom bak gud gud laik di neks wan.

Matyu 21:14

Blain an kripl piipl kom tu Jiizas iina di yaad we Gad ous de, an im get dem beta.

Matyu 5:3

“Aal a unu we nuo se unu niid Gad iina evri wie, Gad bles unu, kaa di gud sitn dem we Gad gi wen im ruul piipl laif iina evri wie, a unu a-go get dem.

Matyu 9:30

An dem yai uopm op. Den Jiizas waan dem aaf gud an prapa. Im se, “Luk ya nou, mek shuor se, nobadi no nuo bout dis.”

Maak 7:37

An aal uu ier did wel shak. Dem se, “Im du evriting gud! Im aal mek piipl we did def ier, an piipl we did dom taak.”

Maak 9:25

Wen Jiizas si se wan kroud a piipl staat gyada op faas faas, im chat tu di diiman chrang chrang an tel im se, “Yu spirit we mek di bwai kyaahn taak ar ier, mi a tel yu, kom outa im an neva go iina im agen!”

Luuk 4:18

“Di Spirit a di Laad de pan mi, kaaz im pik mi out fi kyari gud nyuuz go gi puo piipl. Im sen mi fi mek di prizna dem nuo se dem a-go frii, fi mek blain piipl nuo se dem a-go si agen, fi mek piipl we a sofa nuo se dem naa go sofa fi eva.

Jan 10:25

So Jiizas se tu dem se, “Mi tel unu aredi, bot unu no biliiv. Di sopm dem we mi du kaa mi Faada tel mi fi du dem, dem shuo unu uu mi bi.

Jan 10:38

Bot ef mi du wa im tel mi fi du, duo unu no biliiv mi siek-a wa mi tel unu, at liis biliiv mi siek-a di mirikl dem we mi du, so dat unu kyan nuo an andastan se di Faada iina mi, an mi iina di Faada.”

Jan 2:23

Nou, wen Jiizas did stil de a Jeruusilem pan di Paasuova alidie, nof piipl put dem chos iina im, kaa dem si di mirikl dem we im wok.

Jan 3:2

Im go luk fi Jiizas wan nait an se tu im se, “Tiicha, wi nuo se a Gad sen yu fi kom tiich, kaa nobadi kyaahn wok di mirikl dem we yu wok, ef a no Gad a kaaz dem fi dwi'it.”

Jan 5:36

“Bot sitn els de de we shuo uu mi bi an it wot muo dan we Jan se bout mi. A di sopm dem we mi Faada gi mi fi du — di siem wan dem we mi a du nou — a dem shuo se a di Faada sen mi kom.

Jan 9:7

Den im tel di man se, “Gwaan go wash yu fies iina di Sailuom Puul” (Sailuom miin Sen.) So di man go we go wash im fies an go baka im yaad a si!

Aks 2:22

“Unu Izrel piipl, ier we mi a se: Gad yuuz di mirikl, sain an powaful sitn dem we im did mek Jiizas du mongks unu, fi shuo unu klier klier se im did a wok wid Jiizas, di man fram Nazaret.

Jiemz 2:5

Mi breda an sista, ier wa mi a se. No Gad pik di puo piipl iina di worl fi bles dem kaaz dem biliiv iina im? Im pik dem fi tek paat iina im kindom wa im pramis fi gi aal uu lov im.