Matyu 11:30 - Di Jamiekan Nyuu Testiment

³⁰ Kaaz di sitn dem we mi a tel unu fi du, dem iizi an di luod we mi de gi unu — lait.”

Matyu 11:30 ပူးပေါင်းရင်းမြစ်များ

Matyu 12:1

Da taim de, Jiizas did go chuu wan wiit fiil pan wan Sabat die. Im speshal falara dem did onggri an staat pik som a di wiit an nyam dem.

Jan 16:33

“Mi tel unu dem sitn ya so dat unu kyan av piis iina unu aat kaa mi an unu a wan. Iina da worl ya, unu gweehn av chobl an sofarieshan. Bot no fret! Mi don win di fait wid di worl.”

Aks 15:10

So tel mi nou, wa mek unu waahn flai iina Gad fies fi go presha im piipl fi du wa Gad neva aada dem fi du, sitn we no iivn wi ar fi wi faada faada dem kuda du?

Aks 15:28

Di Uoli Spirit tingk se it bes fi wi no put no muo presha pan unu dan wa wi bout fi tel unu nou, an wi tingk so tu.

2 Korintiyan 4:17

Di likl chobl an di sofarieshan we wi a go chuu nou, naa go laas fi eva an dem a no notn wen yu tingk bout di nais nais sitn dem we Gad a-go gi wi, wen wi riich a evn.

Gyalieshan 5:1

Gad frii wi so dat wi wudn afi fala di Laa. So tan op chrang an no mek notn ar nobadi tek unu ton unu bak iina sliev.

Gyalieshan 5:18

Bot ef Gad Spirit liid unu, di Laa naa no powa uova unu.

Filipiyan 4:13

Mi kyan du eniting, kaaz Krais Jiizas gi mi di powa fi du it.

1 Jan 5:3

Wen wi du wa Gad tel wi fi du, wi shuo se wi riili lov im, an wa Gad tel wi fi du no aad.