Matyu 11:23 - Di Jamiekan Nyuu Testiment

²³ Aal laka yu Kyaporniyom, yu tingk se Gad a-go lif yu op go a evn an ana yu? Nuo, im a-go fling yu dong a el. Kaaz di mirikl we unu si mi du, ef a Sadam mi did go du dem mirikl de, it wuda stil de bout tide die ya.

Matyu 11:23 ပူးပေါင်းရင်းမြစ်များ

Matyu 10:15

Mi naa lai, pan jojment die, di ponishment we Sadam an Gomaro a-go get a-go iiziya dan da toun de.

Matyu 16:18

An ier wa mi a se no, yu a Piita, wan rak. An a pan dis ya rak mi a-go bil fi mi choch, an no powa dong a el naa go kyan mash dat op.

Matyu 17:24

Afta Jiizas an im falara dem riich Kyaporniyom, di man dem we kalek di taks fi Gad ous kom tu Piita an se, “Di taks we piipl pie fi tek kier a Gad ous, yu tiicha pie it, no chuu?”

Matyu 4:13

Wen im de a Gyalalii, im lef fram Nazaret an kom liv a Kyaporniyom, a di sii-said, iina di Zebyulan an Naftali ieriya,

Matyu 8:5

Wen Jiizas go Kyaporniyom, wan ed fi onjrid suoja kom tu im a luk elp.

Luuk 10:15

Aal laka yu Kyaporniyom, yu tingk se Gad a-go lif yu op go a evn an ana yu? Nuo, im a-go fling yu dong a el.”

Luuk 14:11

Evribadi we put demself uova ada piipl, wi get pudong, bot ef yu ombl yuself, yu wi get big op.”

Luuk 16:23

An iina el, im did riili a sofa, di rich man luk op an si Iebriyam faar faar, wid Lazaros saida im.

Luuk 4:23

Jiizas se tu dem, “Uol taim piipl yuus tu se, ‘Dakta, kyuor yuself.’ Mi nuo se no tuu lang fram nou unu a-go tel mi di siem sitn. Unu a-go tel mi se, ‘Di siem sitn dem we wi ier se yu du iina Kyaporniyom du dem rait ya-so wich paat yu kom fram.’ ”

Aks 2:27

Kaaz yu naa go figet mi an lef mi suol mongks di ded, an yu naa go lef yu sorvant we aalwiez du wa yu se fi ratn iina di griev.

Aks 2:31

Chuu Gad did shuo Dievid wa im a-go du bifuo it apm, Dievid taak bout ou Gad wuda mek Krais Jiizas kom bak alaiv afta im ded. Im se Gad wudn lef im iina di griev ar mek im badi ratn.

Juud 1:7

A siem so Sadam an Gomaro an di piipl dem we liv nier dem tek paat iina aal kain-a seks sin an ron aafa aal kain-a naasinis. Gad bon dem op wid faiya we a-go bon fi eva an eva mek evribadi si wa wi apm ef dem fala dem wikid piipl de.

Revilieshan 1:18

Mi alaiv! Mi did ded wan taim, bot luk, nou mi a liv fi eva! Mi av di kii an di powa fi uopm ar lak op di plies we di ded piipl dem de, an mi kyan mek dem kom bak alaiv.

Revilieshan 11:8

Dem badi a-go get lef pan di ed ruod a di big big siti we evribadi nuo, di toun we dem kaal Sadam ar Iijip. It kaal Sadam ar Iijip kaaz a de dem did kil dem Laad pan di kraas.

Revilieshan 20:13

Aal a di ded piipl dem we did iina di sii go bifuo Gad fi go get joj. An aal uu did iina di plies we ded piipl de kom bak alaiv an go bifuo Gad fi go get joj fi aal we dem did du.

Revilieshan 6:8

Wen mi luk, mi si wan aas we av wan yelo-griin kola! Di wan we did a raid di aas niem det, an di wan we niem, di Plies we Ded Piipl Go did a fala rait baka im. Di tuu a dem did get powa fi yuuz suod, staavieshan, siknis, an wail wail animal fi kil aaf kwaata a di piipl dem pan ort.